مەملەكەت باسشىسى قازاقستان حالقىنا جولداۋىندا «سىبايلاس جەمقورلىقپەن ءتيىمدى كۇرەستى جالعاستىرۋ قاجەت. قۇزىرلى اگەنتتىك جىل سوڭىنا دەيىن ورتا مەرزىمدى كەزەڭدەگى ءىس-قيمىلىمىزدىڭ باعدارلاماسىن ايقىندايتىن ستراتەگيالىق قۇجاتتى بەكىتۋگە ۇسىنۋى كەرەك» دەپ اتاپ ءوتتى.

وسىعان وراي، سىبايلاس جەمقورلىققا قارسى ءىس-قيمىل اگەنتتىگىمەن «قازاقستان رەسپۋبليكاسىنىڭ سىبايلاس جەمقورلىققا قارسى ساياساتىنىڭ 2022-2026 جىلدارعا ارنالعان تۇجىرىمداماسى» جوباسى ۇسىنىلىپ، ءتۇرلى الاڭداردا تالقىلانۋدا. بۇگىن شىمكەنتتە «اntikor ortalyǵy» سەرۆيستىك ورتالىعىندا قوعام بەلسەندىلەرىنە اتالعان تۇجىرىمداما تانىستىرىلىپ، تالقىلاۋعا ۇسىنىلدى.

اگەنتتىكتىڭ شىمكەنت قالاسى بويىنشا دەپارتامەنتى باسشىسىنىڭ ءبىرىنشى ورىنباسارى ت.سەرىكبايەۆتىڭ توراعالىعىمەن وتكەن جيىنعا قوعام، بۇقارالىق اقپارات قۇرالدارى، مەملەكەتتىك ورگاندار، ءماسليحات دەپۋتاتتارى جانە عىلىمي ورتا وكىلدەرى مەن اقپاراتتىق-اعارتۋشىلىق شتابىنىڭ مۇشەلەرى قاتىستى.

تالعار سەرىكبايەۆ، زاڭنامالىق وزگەرىستەر مەن جەمقورلىقپەن كۇرەستەگى جاڭا تاسىلدەرگە، كونسەپسيانىڭ قۇرىلىمى مەن نەگىزگى باعىتتارىنا توقتالدى. تۇجىرىمداما 6 بولىكتەن، ياعني، پاراساتتى مىنەز-قۇلىققا ىنتالاندىرۋ، جەمقورلىق مۇمكىندىكتەرىن جويۋ، جاۋاپكەرشىلىكتىڭ سوزسىزدىگى، جەمقورلىققا قارسى ءىس-قيمىلعا ازاماتتىق قوعامدى تارتۋ، جەمقورلىققا قارسى ساياسات تيىمدىلىگىنىڭ مونيتورينگى مەن سىبايلاس جەمقورلىققا قارسى ارەكەت بويىنشا ۋاكىلەتتى ورگان بولىكتەرىنەن تۇراتىندىعى قاتىسۋشىلار نازارىنا ۇسىنىلدى. شارا بارىسىندا ءار تارماققا كەڭىنەن تۇسىندىرمە بەرىلىپ، كۇتىلەتىن ناتيجەلەر تانىستىرىلدى. جيىندا قاتىسۋشىلار تاراپىنان ءبىرقاتار پىكىرلەر مەن ۇسىنىستار ايتىلىپ، جۇمىس توبىنا جولداناتىن بولادى.