قازاقستان-پولشا بيزنەس-فورۋمى اياسىندا شىمكەنتتىك دەلەگاتتاردى باستاپ بارعان قالا اكىمىنىڭ ورىنباسارى ايبەك ساتتىبايەۆ ق ر سىرتقى ىستەر مينيسترلىگىنىڭ ينۆەستيسيا كوميتەتى ءتوراعاسىنىڭ ورىنباسارى لاريسا جۇماعالييەۆامەن بىرگە پوزنان قالاسىنداعى قوقىس وڭدەۋ زاۋىتىنىڭ جۇمىسىمەن تانىستى.

كاسىپورىن – 1927 جىلدان بەرى ورتالىق ەۋروپاداعى قوقىس وڭدەيتىن زاۋىتتاردىڭ بىرەگەيى. زاۋىتتىڭ ەرەكشەلىگى، قوقىستى جاعۋ ارقىلى الىنعان كۇل تىڭايتقىش، اياقجول پليتكالارى مەن كارىز قۇبىرلارىن ءوندىرۋ ءۇشىن پايدالانىلادى.

سونىمەن قاتار، ا.ساتتىبايەۆ پوزنان وبلىسى اكىمىنىڭ ورىنباسارى ياسەك بوگۋسلاۆسكييمەن كەزدەسۋ وتكىزىپ، كاسىپكەر ينۆەستورلارمەن ءوزارا كەلىسىم جاسالدى. ايبەك بەرىك ۇلى شىمكەنتتىڭ جوعارى الەۋەتىن تانىستىرا كەلە پولشالىق كاسىپكەرلەردى قالاعا ينۆەستيسيالىق جوبالاردى جۇزەگە اسىرۋعا شاقىردى.

قالادا بۇگىندە تۇرمىستىق قالدىقتى سۇرىپتاپ، قايتا وڭدەۋ باعىتىندا «گرينلاين» ج ش س جۇمىس ىستەۋدە. مەگاپوليستى اباتتاندىرۋ مەن كوركەيتۋدىڭ الداعى بەس جىلعى جوسپارىنا سايكەس، قوقىستى بولەك جيناۋ جانە قايتا وڭدەۋگە باسا نازار اۋدارىلۋدا.
وسى ماقساتتا قالا اكىمدىگى شەتەلدىك ينۆەستورلاردى تارتۋ باعىتىندا جۇمىستار جۇرگىزۋدە.