«Scat» اۋە كومپانياسى ماسكەۋ-شىمكەنت جانە شىمكەنت-ماسكەۋ باعىتى بويىنشا رەيسىن قايتا اشتى.
اتالعان باعىت بويىنشا تىكەلەي كەلۋ قىزمەتى پاندەمياعا بايلانىستى توقتاتىلعان بولاتىن. ەلىمىزدىڭ ءۇشىنشى مەگاپوليسىنە كەلۋشى تۋريستەر ءۇشىن ەندى تىكەلەي، كەدەرگىسىز ۇشۋعا مۇمكىندىك جاسالىپ وتىر. تۋريستەر ماسكەۋدەن شىمكەنتكە اپتانىڭ ءار سارسەنبىسىندە كەشكى ۋاقىتتا ۇشادى.
جالپى، ۇشۋ كەزىندە جولاۋشىلار قاۋىپسىزدىگى مەن كارانتين تالاپتارىنىڭ ساقتالۋىنا باسا نازار اۋدارىلعان.
ايتا كەتەيىك، بۇگىندە ماسكەۋگە شىمكەنت قالاسىنان بولەك، نۇر-سۇلتان مەن اقتاۋ قالالارىنان دا رەيس باعىتتارى قايتا اشىلدى. ودان وزگە، شىمكەنت قالاسىنا ىستامبۇل مەن گرۋزيادان دا تىكەلەي رەيستەر جۇرۋدە.
پىكىر قالدىرۋ