شىمكەنت قالاسىندا «ۇلتتىق ساراپتاما ورتالىعى» مك مەن ءيزرايلدىڭ AID Genomics حالىقارالىق گەنومدىق كومپانياسى اراسىنداعى كەلىسىم شەڭبەرىندە كوروناۆيرۋستىق ينفەكسيانى دياگنوستيكالاۋعا ارنالعان زەرتحانالىق كەشەن اشىلدى.

كەشەننىڭ سالتاناتتى اشىلۋ راسىمىنە ءيزرايلدىڭ قازاقستانداعى ەلشىلىگى ميسسياسى باسشىسىنىڭ ورىنباسارى گالينا فرەنكەل، قالالىق دەنساۋلىق ساقتاۋ باسقارماسىنىڭ باسشىسى باقىتجان پوزيلوۆ قاتىستى.

AID Genomics جۇقپالى اۋرۋلاردى دياگنوستيكالاۋعا مامانداندىرىلعان جەتەكشى دياگنوستيكالىق كومپانيا ىنتىماقتاستىق اياسىندا كوروناۆيرۋستىق ينفەكسينى زەرتتەۋ جابدىقتارى بويىنشا گۋمانيتارلىق كومەك كورسەتتى.

بۇل زەرتحانالىق جابدىق تاۋلىگىنە 2500-گە دەيىن تەست ورىنداۋعا قابىلەتتى، ونىمدىلىگى جوعارى تولىق اۆتوماتتاندىرىلعان كەشەن بولىپ سانالادى. زەرتحانامەن بىرگە ناتيجەلەردى قالىپتاستىرۋ، پروسەستى مونيتورينگتەۋ جانە جەدەلدەتۋ ءۇشىن جاساندى ينتەللەكت تەحنولوگياسى قولدانىلاتىن جەكە ازىرلەنگەن قامتاماسىز ەتۋ باعدارلاماسى پايدالانۋعا بەرىلدى.
بۇل ءوز كەزەگىندە ادام فاكتورىنىڭ اسەرىن بارىنشا ازايتادى جانە ناتيجەلەردىڭ دالدىگىن قامتاماسىز ەتەدى. كوۆيد-تەستىلەۋ كەشەنى جوعارى ءونىمدى، جىلدام، ءدال ناتيجە بەرەدى.

ايتا كەتۋ كەرەك، بۇل باستاما قازاقستاننىڭ يزرايلدەگى ەلشىلىگىنىڭ قولداۋىمەن جۇزەگە اسىرىلدى.