شىمكەنت قالاسىنداعى ءتورت اۋداندا بيىل مەملەكەتتىك باعدارلاما اياسىندا 118 اۋلا اباتتاندىرىلىپ، تۇرعىنداردىڭ يگىلىگىنە تاپسىرىلۋدا. ونىڭ ىشىندە 66 اۋلا پرەزيدەنتتىڭ «حالىق قاتىساتىن بيۋدجەت» جوباسى اياسىندا.
- ەڭبەكشى اۋدانىندا 2011-2020 جىلدار ارالىعىندا 373 اۋلا اباتتاندىرىلعان بولسا، بيىلعى جىلى تۇرعىنداردىڭ ۇسىنىسىمەن 41 كوپقاباتتى ءۇيدىڭ اۋلالارىن جاڭارتۋ، توزىعى جەتكەن بالالار ويىن الاڭدارىن قايتا قۇرۋ جۇمىستارى جۇرگىزىلۋدە. 24 كوپقاباتتى ءۇيدىڭ اۋلالارىندا اباتتاندىرۋ جۇمىستارى اياقتالىپ، تۇرعىنداردىڭ يگىلىگىنە بەرىلدى.
- ال، 453 كوپقاباتتى تۇرعىن ءۇي، 258 اۋلاعا بىرىكتىرىلگەن اباي اۋدانىندا وسى جىلى 21 اۋلا اباتتاندىرىلۋدا. 2022 جىلى 10 اۋلانى، 15 بالالار الاڭشاسىن ورناتۋ جوسپارلانۋدا.
- قاراتاۋ اۋدانىندا وسى جىلى 29 اۋلا اباتتاندىرىلىپ، بالالار ويىن الاڭشاسى مەن جاتتىعۋ ترەناجەرلارىن قويۋ جۇمىستارى جۇرگىزىلەدى.
- ءال-فارابي اۋدانىنداعى 27 اۋلانى اباتتاندىرۋ جۇمىستارى جۇرگىزىلىپ، ونىڭ 9 اياقتالدى. تۇرعىندار يگىلىگىنە بەرىلگەن الاڭدار وتىرار شاعىن اۋدانىنداعى №11، 12، 13، 38 كوپقاباتتى ءۇي مەن ءابدىرازاقوۆ كوشەسىندەگى №3، 9، 1، 2،15 ءۇي، بايتۇرسىنوۆ كوشەسىندەگى №10، جانگەلدين كوشەسىندەگى № 8، 8ا ءۇي، جانە قابانباي باتىر كوشەسىندەگى 11ا مەن 11ب ءۇي اۋلاسىندا ورنالاسقان. جىل سوڭىنا دەيىن بۇل باعىتتاعى 18 اۋلا پايدالانۋعا بەرىلەدى.
اباتتاندىرۋ جۇمىسىنا بالالار الاڭشالارى، دەمالۋعا ارنالعان باستىرما (بەسەدكا)، ورىندىقتار، قوقىس جاشىكتەرى جانە ويىن ەلەمەنتتەرى كىرەدى. الاڭشالارداعى ويىن قۇرىلعىنىڭ بارلىعى شىمكەنت قالاسىندا وندىرىلگەن.
پىكىر قالدىرۋ