شىمكەنت قالاسى ءال-فارابي اۋدانىندا ءداستۇرلى ساناق جۇمىستارى 1 قازاندا باستالعان بولاتىن. بۇگىندە اۋدان اۋماعى 28 ۋچاسكىگە ءبولىنىپ، وندا ورام باسقارۋشىلارى مەن ەرىكتىلەردەن قۇرالعان 28 نۇسقاۋشى-باقىلاۋشى مەن 192 ينتەرۆيۋەر جۇمىس اتقارۋدا.
اۋدان اكىمى راشيد مىڭبايەۆ كوپقاباتتى جانە جەكە ۇيلەرگە ساناقشىلارمەن بىرگە بارىپ، تۇرعىنداردى ساناققا تىركەۋ پروسەسىن ءجىتى باقىلادى. اۋدان اكىمى ازاماتتارعا ەلىمىزدە ءوتىپ جاتقان دەموگرافيالىق جانە ساياسي ماڭىزدى ءىس-شارادا بەلسەندىلىك تانىتۋعا شاقىردى.
ودان بولەك، ءال-فارابي اۋدانىندا ادام كوپ شوعىرلاناتىن 10 نۇكتەدە تۇرعىنداردىڭ ونلاين ساناقتان ءوتۋى ءۇشىن وز-وزىنە قىزمەت كورسەتۋ بۇرىشتارى ۇيىمداستىرىلىپ، ساناقشىلار ازاماتتارعا ارنايى سىلتەمە ارقىلى ساناققا ونلاين قاتىسۋدىڭ تاسىلدەرىن تۇسىندىرۋدە.
پىكىر قالدىرۋ