بۇل كورسەتكىش وتكەن جىلدارعا قاراعاندا ەداۋىر جاقسى. بۇل تۋرالى ارنايى بريفينگتە شىمكەنت قالالىق پوليسيا دەپارتامەنتىنىڭ باستىعى ايتتى. ول وسى كورسەتكىشتى تومەندەتىپ الماۋ قاجەتتىگىن اتاپ ءوتتى.

شىمكەنت قالالىق پوليسيا دەپارتامەنتىنىڭ باستىعى ەرالى جۇماحانبەتوۆ سوڭعى 3 جىل كولەمىندە ءبىرقاتار قىلمىستار 100 پايىز اشىلعاندىعىن ايتادى. ولاردىڭ قاتارىندا اۋىر جانە اسا اۋىر ساناتتاعى كىسى ءولتىرۋ، دەنساۋلىققا اۋىر جاراقات سالۋ، زورلاۋ، كامەلەتكە تولماعاندارعا قاتىستى جاسالعان زورلىق جانە جاس بالالاردى ازعىندىق جولعا يتەرمەلەۋ بار.

ەرالى جۇماحانبەتوۆ، شىمكەنت قالاسىنىڭ پوليسيا دەپارتامەنتىنىڭ باستىعى
- جالپى قىلمىستىڭ سانى 6548-دەن 6907-گە كوبەيىپ، نەبارى 5%-عا ءوسۋ تەندەنسياسى ورىن الدى. وعان سەبەپ، بىلتىرعى جىلى توتەنشە جاعداي كەزىندە قىلمىستاردىڭ سانى وتكەن جىلمەن سالىستىرعاندا 2781-دەن 1353-كە نەمەسە -51%-عا ەداۋىر تومەندەپ كەتۋدىڭ سالدارىنان بولىپ وتىر.

الداعى ۋاقىتتا قىلمىس پەن قۇقىق بۇزۋشىلىقتاردىڭ الدىن الۋ ماقساتىندا قالادا بەينەكامەرالار ىسكە قوسىلاتىن بولادى. بۇگىندە ولاردىڭ 857 ء-سى 355 مەكەن-جايعا قويىلعان.

ەرالى جۇماحانبەتوۆ، شىمكەنت قالاسى پوليسيا دەپارتامەنتىنىڭ باستىعى
- قىلمىستىڭ الدىن الۋ مەن ءىزىن سۋىتپاي اشۋدا «شىمكەنت قالاسى – ءقاۋىپسىز قالا» اياسىندا اكىمدىكتىڭ قولداۋىمەن كوشەلەر مەن كوپقاباتتى ۇيلەردىڭ اۋلالارىنا 3740 بەينەكامەرالار ورناتۋ جىلدىڭ سوڭىنا دەيىن جوسپارلانعان. ونىڭ ىشىندە 2240 جول قاۋىپسىزدىگىن قاداعالاسا، 1500 قوعامدىق قاۋىپسىزدىك قاۋىپسىزدىكتى قاداعالايتىن بولادى. وسى كامەرالار 120 كوشە قيىلىستارىنا 1440 كامەرا، كوشەلەردىڭ بويىنا 200 ورىنعا 800 كامەرا، حالىق كوپ شوعىرلاناتىن ورىندار مەن ءۇي اۋلالارىنا 1500 كامەرا ورناتۋ جوسپارلانعان بولاتىن.

دەپارتامەنت باستىعىنىڭ مالىمەتىنشە بيىل بىرنەشە قىلمىس ءتۇرىنىڭ سانى ازايعان. ونىڭ ىشىندە ورتا دارەجەلى قىلمىستار – 4%، كىسى ءولتىرۋ – 22%، قاراقشىلىق – 28%-، توناۋ -11%، بوتەننىڭ مۇلكىن ۇرلاۋ -14%-عا تومەندەپ وتىر.