بيىل قازاقتىڭ ايگىلى كۇيشى كومپوزيتورى دينا نۇرپەيىسوۆانىڭ تۋعانىنا 160 جىل تولىپ وتىر.وسى ورايدا، شىمكەنت قالالىق جاسوسپىرىمدەر كىتاپحاناسىنىڭ «پاراسات جولى» ورتالىعىندا «كۇي اناسى — دينا» اتتى ادەبي-سازدى كەشى ءوتتى.

شىعارماشىلىق كەشتىڭ باستى ماقساتى — كۇيشىنىڭ تۋىندىلارىن ناسيحاتتاۋ، جاستاردى كۇي ونەرىنە باۋلۋ، پاراساتتىلىق قۇندىلىقتارىن ناسيحاتتاۋ بولىپ تابىلادى. كەش «دومبىراشى قىز» دەرەكتى فيلمىنەن باستالدى.ارنايى قوناق رەتىندە ۇستاز دومبىراشى، قازاقستان جۋرناليستەر وداعىنىڭ مۇشەسى قالماحان ومار شاقىرتىلدى.

شارا بارىسىندا ب. وتەپ اتىنداعى ونەر مەكتەبىنىڭ ونەرلى، تالانتتى جاستارى «بۇلبۇل»، «اسەمقوڭىر» اتتى كۇيلەرىن شەرتىپ، قۇرمانعازىنىڭ الەمگە ايگىلى ۇزدىك تۋىندىلارىن ورىندادى. كىتاپحانا وقىرماندارى م.حاكىمجانوۆانىڭ دينا نۇرپەيىسوۆاعا ارناۋىنان «انا سىرى» ادەبي-كومپوزيسياسىن ۇسىندى.

سونىمەن قاتار، حالقىمىزدىڭ رۋحاني ومىرىندەگى اسىل مۇرانىڭ ءبىرى- ءداستۇرلى حالىق اندەرى ورىندالاپ كوپشىلىك ءبىر سەرپىلىپ، كەشتەن رۋحاني ازىق الىپ تارقاستى.