ماڭعىستاۋ وبلىسىنداعى جارمىش اۋىلىنىڭ تۇرعىنى دوسباي تولەماعانبەتوۆ تەرىدەن قامشى ورەدى. ول بۇل ونەرگە بالا كۇنىنەن قىزىققان. ءوز بەتىنشە قامشى ءورۋ، تۇسامىس، ەر-تۇرمان، مۇرىندىق جاساۋدى ۇيرەنگەن.
ماڭعىستاۋ اۋدانى اكىمدىگى باسپا ءسوز قىزمەتىنىڭ حابارلاۋىنشا، قولونەر شەبەرى العاشقىدا ءتۇرلى بۇيىمدى كۇندەلىكتى شارۋاعا پايدالانۋ ءۇشىن جاساپ جۇرگەن. 2000-جىلدان باستاپ قولدان، تازا مال تەرىسىنەن ورىلگەن قامشىسى سۇرانىسقا يە بولا باستادى.
-«مالدىڭ جاڭا سويىلعان تەرىسى يلەنەدى. ونى كەپتىرىپ قامشىنى تۇيەنىڭ مويىن تەرىسىنەن، شاشاقتارىن ەشكىنىڭ تەرىسىنەن، مالاقايىن سيىردىڭ تەرىسىنەن دايىندالادى. 4،6،8،9،12 ءتۇرلى ءورىم ءورىپ، سابىنا جىڭعىل بۇتاعىن پايدالانادى. وسىلاي ەرەكشە ىقىلاسپەن جايىنداعان دۇنيە تۇرعىنداردىڭ كوڭىلىنەن شىعىپ كەلەدى»،-دەدى دوسباي تولەماعانبەتوۆ.
شەبەردىڭ ايتۋىنشا، الىس-جاقىن اۋىلداردان تاپسىرىس بەرەتىندەر دە كوپ. دوسباي تولەماعانبەتوۆ تەك قامشى ەمەس، اتقا ەر، جىلقىعا تۇسامىس، تۇيە مالىنا مۇرىندىق تا جاسايدى. وسىلايشا، اتا – بابادان قالعان ءداستۇردى ساقتاپ، جالعاستىرىپ ءجۇر. بىلگەن-تۇيگەنىن قوس ۇلىنا دا ۇيرەتكەن. ءقازىر بالالارى قامشى ءورۋ، ەر، تۇسامىس، مۇرىندىق جاساۋ جولدارىن شەبەر مەڭگەرگەن.
پىكىر قالدىرۋ