جاقىندا الماتى قالاسىندا جەكە كولىكتىڭ  جۇك سالعىشىعانا تىعىپ قويعان بەينە باقىلاۋ اپپاراتى تۋرالى ۆيدەو الەۋمەتتىك جەلىدە قىزۋ پىكىر-تالاس تۋدىرعان بولاتىن. اتالمىش داۋلى ۆيدەوعا قاتىستى قۇزىرلى ورگانداعىلار پىكىر بىلدىرگەن ەكەن. بۇل تۋرالى «قامشى» پورتالى kolesa.kz-كە سىلتەمە جاساي وتىرىپ حابارلايدى.

الماتىلىق اۋەسقوي كولىك جۇرگىزۋشىلەرىنىڭ ءبىرى جول جيەگىندەگى جەكە كولىكتىڭ ىشىنەن تىعىلىپ ءتۇسىرىپ تۇرعان بەلگىسىز ازاماتتى بايقاپ قالعان. جاقىنداپ كەلگەندە كولىك ىشىندە سوڭعى تەحنولوگيالى جول پاترۋلدىك پوليسياسىنا تيەسىلى بەينە باقىلاۋ قۇرىلعىسى ەكەنىن كورگەن.

بۇل ۆيدەو الەۋمەتتىك جەلى قولدانۋشىلارىنىڭ نارازىلىعىن تۋدىرعان.

جاقىندا داۋلى ۆيدەوعا قاتىستى قۇرىزلى ورگانداعىلار kolesa.kz-كە تۇسىنىكتەمە بەرگەن.

جەكە كولىك ىشىنەن تابىلعان «كوردون» ستاسيونارلى كەشەنى بولىپ شىققان. بۇل قۇرىلعى اۆتوماتتى تۇردە باقىلاۋ ايماعىنداعى بارلىق كولىكتىڭ جىلدامدىعىن ءبىر مەزەتتە كورسەتىپ، جول ەرەجەسىن بۇزۋشىنى انىقتاي الادى. سونداي-اق، اۆتوماتتى تۇردە ەكى سۋرەت دايىندايدى. ونىڭ ءبىرى جالپى پلان سۋرەتى بولسا، ەكىنشىسى جول ەرەدەسىن بۇزۋشىنى ەرەكشەلەپ كورسەتەدى. مىسالى، ستاسيونارلى «كوردون» كەشەنى ءبىر مەزگىلدە كولىكتىڭ ءنومىرىن، باعىتىن، كۇنى مەن ۋاقىتىن، جىلدامدىعىن جانە سول ايماقتاعى جۇرۋگە قالىپتى جىلدامدىقتى، باقىلاۋ ۋچاسكەسىن، گەوگرافيالىق كوورديناتىن، سەريا ءنومىرىن، جارامدىلىق مەرزىمىن انىقتاپ بەرەدى.

جپپ ماماندارىنىڭ ايتۋىنشا، جەكە كولىك ىشىندەگى قۇرىلعى سىناقتان وتكىزىلىپ جاتقان. الداعى ۋاقىتتا الماتى كوشەلەرىنە ورناتىلاتىن بولادى. ال الگى قولاپايسىز سىناقتىڭ نەمەن اياقتالعاندىعى تۋرالى اقپارات كورسەتىلمەگەن.

 «قامشى» سىلتەيدى