شىمكەنت قالاسى جولاۋشىلار كولىگى جانە اۆتوموبيل جولدارى باسقاراماسىنىڭ مالىمەتىنشە، 370 786 تولەم كارتا ساتىلعان جانە 85 پايىزدان استام ترانزاكسيا ەلەكتروندى كارتا بويىنشا جاسالىنعان. ونىڭ ىشىندە 106 100 وقۋشىلار كارتاسى، 30 686 ستۋدەنتتىك كارتا جانە 234 000 ستاندارتتى كارتا ساتىلعان.

قوعامدىق كولىك سحەماسىن جاڭاشا باعىتتا دامىتۋ ماقساتىندا، اۆتوبۋس پاركى «Yutong» ماركالى 300 جاڭا مەتان گازىمەن جۇرەتىن اۆتوبۋستارمەن تولىعىپ، جىل سوڭىنا دەيىن 290 جاڭا اۆتوبۋس جولاۋشىلارعا قىزمەت ەتەدى.

سونىمەن قاتار، تۇرعىندارعا تۇراقتى قىزمەت كورسەتۋدى جۇيەلەندىرۋ ماقساتىندا، اۆتوبۋس باعىتتارىن ونلاين رەجيمدە كورۋگە ارنالعان «I-kolik» موبيلدىك قوسىمشاسى پايدالانۋعا بەرىلىپ، قازىرگى تاڭدا 82 000 ادام اتالمىش باعدارلامانى قولدانۋدا.

ايتا كەتەيىك، قاراشا ايىنىڭ سوڭىنا دەيىن «SHYMKENT BUS» تاسىمالداۋشى كومپانياسى تاراپىنان 40 «Yutong» ماركالى اۆتوبۋس الەۋمەتتىك باعىتتا قىزمەت كورسەتەتىن بولادى.

شىمكەنت قالاسىنىڭ اقپاراتتىق-كوممۋنيكاسيالىق ورتالىعى