كجپ بۇلىكشىلەرى بەيسەنبى كۇنى تاڭەرتەڭ تۇركيانىڭ وڭتۇستىك-شىعىسىندا ورنالاسقان ديارباقىر پروۆينسياسىندا ەكى اسكەري قىزمەتشى وتىرعان كولىككە وق جاۋدىرعان. بۇل تۋرالى «قامشى» پورتالى euronews.com-عا سىلتەمە بەرە وتىرىپ حابارلايدى.

بۇعان دەيىن تۇرىك اسكەرى كجپ-عا قارسى جاۋىنگەرلىك ارەكەتتەرىن حاككاري پروۆينسياسى مەن يراكتىڭ سولتۇستىگىندە جۇرگىزگەن بولاتىن. مەملەكەتتىڭ اسكەري كۇشتەرى سەپاراتيستەردى اۋەدەن بومبالاپ، العاشىندا 24 وبەكتتىڭ كوزىن جويعان بولاتىن.

تۇرىك اسكەرىنىڭ بۇلىكشىلەرگە قارسى بەلسەندىلىك كورسەتىپ جاتقانى تۋرالى «قامشى» پورتالى الدىڭعى جاڭالىقتارىندا دا جازعان بولاتىن. مىنا سىلتەمە ارقىلى ءوتىپ، وقي الاسىز (http://qamshy.kz/home/show/1670).

وقيعانى باقىلاۋشىلار قاقتىعىستىڭ ۋشىعۋىن تۇركياداعى 1-قاراشاعا جوسپارلانىپ، مەرزىمى جاقىنداپ كەلە جاتقان سايلاۋمەن بايلانىستىرىپ وتىر.

شىلدەدە ءۇش جىل قاتارىنان جالعاسقان بىتىمگەرشىلىك كەلىسىمى جويىلعاننان كەيىن كۇرد بۇلىكشىلەرى قولىنان قازا تاپقان تۇرىك اسكەري جانە پوليسيا قىزمەتكەرلەرىنىڭ سانى 150-گە جەتكەن بولاتىن. تۇرىك باق-تىڭ مالىمەتتەرى بويىنشا، كۇردتەر جاعىنىڭ ادام شىعىنى 1300-دەن اسادى.