وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتىندە ەلىمىزگە بەلگىلى تاريحشىلار باس قوستى. جوعارى وقۋ ورنىنىڭ ۇيىمداستىرۋىمەن قازاقستان تاۋەلسىزدىگىنىڭ 30 جىلدىعى مەن مەملەكەت جانە قوعام قايراتكەرى، ەتنوگراف عالىم وزبەكالى جانىبەكوۆتىڭ 90 جىلدىق مەرەيتويىنا ارنالعان «تاۋەلسىزدىك – ماڭگىلىك ەل تۇعىرى» اتتى حالىقارالىق عىلىمي-تاجىريبەلىك كونفەرەنسيانىڭ جۇمىسى باستالدى.

كونفەرەنسيانىڭ اشىلۋ سالتاناتىندا قازاقستان رەسپۋبليكاسىنىڭ ءبىلىم جانە عىلىم ءمينيسترى اسحات ايماعامبەتوۆتىڭ قاتىسۋشى قوناقتارعا جولداعان قۇتتىقتاۋىن ۋنيۆەرسيتەت رەكتورى ءارى جيىننىڭ مودەراتورى گۇلجان سۇگىربايەۆا وقىسا، قالا اكىمى مۇرات ايتەنوۆتىڭ جىلى لەبىزى مەن قۇتتىقتاۋ ءسوزىن ىشكى ساياسات جانە جاستار ىستەرى جونىندەگى باسقارماسى باسشىسىنىڭ ورىنباسارى بەكسۇلتان ءادىلحانوۆ جەتكىزدى.

ال ق ر پارلامەنتى ءماجىلىسىنىڭ الەۋمەتتىك-مادەني دامۋ كوميتەتىنىڭ مۇشەسى، ءبىلىم جانە عىلىمدى دامىتۋ جونىندەگى قوعامدىق كەڭەستىڭ ءتورايىمى جۇلدىز سۇلەيمەنوۆا كونفەرەنسياعا ونلاين قوسىلىپ، كوپشىلىكتى قۇتتىقتادى. اتالعان باسقوسۋ وزبەكالى جانىبەكوۆتىڭ مەملەكەت پەن قوعام الدىندا قولعا الىپ، جۇزەگە اسىرعان قىرۋار جۇمىستارىن جان-جاقتى تالقىلاپ، جۇرتشىلىققا بەلگىسىز كەيبىر تاريحي وقيعالار مەن جاعدايلاردى زەردەلەۋدە ماڭىزدى ەكەنىن اتاپ ءوتتى.

عىلىمي باسقوسۋدا ەلىمىز تاۋەلسىزدىك العان 30 جىل ىشىندەگى جەتكەن جەتىستىكتەرى مەن دامۋ جولدارى ايشىقتالىپ، مەملەكەت جانە قوعام قايراتكەرى، ەتنوگراف عالىم وزبەكالى جانىبەكوۆتىڭ ازاماتتىق، قايراتكەرلىك بولمىسى، ۇلتتىق قۇندىلىقتار مەن مادەنيەت، ونەر سالاسىنىڭ جاڭعىرۋىنا قوسقان سۇبەلى ىستەرى سارالاندى.

كونفەرەنسياعا ەلىمىزگە بەلگىلى قوعام قايراتكەرلەرى، حالىق قالاۋلىلارى، تاريحشىلار مەن عالىمدار قاتىسىپ وتىر.

اتاپ ايتساق، ولاردىڭ قاتارىندا قازاق ۇلتتىق اگرارلىق ۋنيۆەرسيتەتىنىڭ «رۋحاني جاڭعىرۋ» گۋمانيتارلىق زەرتتەۋلەر ورتالىعىنىڭ جەتەكشىسى، ق ر ۇلتتىق عىلىم اكادەمياسىنىڭ اكادەميگى، تاريح عىلىمدارىنىڭ دوكتورى، پروفەسسور ح.م.ءابجانوۆ، ءال-فارابي اتىنداعى قازاق ۇلتتىق ۋنيۆەرسيتەتى، تاريح فاكۋلتەتىنىڭ «قازاقستان تاريحى» كافەدراسىنىڭ مەڭگەرۋشىسى، ق ر ۇلتتىق عىلىم اكادەمياسىنىڭ اكادەميگى، تاريح عىلىمدارىنىڭ دوكتورى، پروفەسسور ب.ب.كارىبايەۆ، فيلولوگيا عىلىمدارىنىڭ دوكتورى، پروفەسسور، جازۋشى ق.س.ەرگوبەك، تاريح عىلىمدارىنىڭ دوكتورى، پروفەسسور ز.س.ساماشيەۆ، ماناش قوزىبايەۆ اتىنداعى سولتۇستىك قازاقستان ۋنيۆەرسيتەتى» باسقارما توراعاسى-رەكتور كەڭەسشىسى، تاريح عىلىمدارىنىڭ دوكتورى، پروفەسسور ا.ع.ىبرايەۆا.

وقمپۋ «الەم تاريحى جانە ءدىنتانۋ» كافەدراسىنىڭ پروفەسسورى، تاريح عىلىمدارىنىڭ دوكتورى ا.ن.پودۋشكين، شەتەلدىك عالىمداردان تۇركيا رەسپۋبليكاسىنان، ميمار سينان ۋنيۆەرسيتەتىنىڭ پروفەسسورى، تاريح عىلىمدارىنىڭ دوكتورى وسمان يورۋلماز، پولشا رەسپۋبليكاسىنان، پيلەسكيي ينستيتۋتى، ءتوتاليتاريزمدى زەرتتەۋ ورتالىعى، كەڭەستىك توتاليتاريزمگە قاتىستى جوبالاردىڭ ۇيلەستىرۋشىسى، گۋمانيتارلىق عىلىمدار دوكتورى ە.ر.روگوزينسكيي، رەسەي عىلىم اكادەمياسىنىڭ رەسەي تاريحى ينستيتۋتىنىڭ باس عىلىمي قىزمەتكەرى، تاريح عىلىمدارىنىڭ دوكتورى، پروفەسسور د.ا.امانجولوۆالار بار.