قازاقستاندا 2022 جىلى كامەلەتكە تولماعان ءتورت جانە ودان كوپ بالاسى بار وتباسىلارعا تولەنەتىن جاردەماقىنىڭ مولشەرى كوبەيەدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى حابارلادى.

قازاقستاندا كامەلەتكە تولماعان 4 جانە ودان كوپ نەمەسە كۇندىزگى بولىمدە وقيتىن 23 جاسقا دەيىنگى ستۋدەنت بالالارى بار وتباسىلارعا مەملەكەتتىك جاردەماقى بەرىلەدى. ول وتباسىنىڭ كىرىسىنە قاراماستان بارلىق كوپبالالى جانۇياعا بالا سانىنا قاراي تولەنەدى.

2022 جىلى ونىڭ مولشەرى:

• 4 بالاعا – 16،03 اەك نەمەسە 49 100 تەڭگە؛
• 5 بالاعا – 20،04 اەك نەمەسە 61 382 تەڭگە؛
• 6 بالاعا – 24،05 اەك نەمەسە 73 665 تەڭگە؛
• 7 بالاعا – 28،06 اەك نەمەسە 85 948 تەڭگە؛

8 جانە ودان كوپ بالاسى بار وتباسىلارعا 32،06 اەك نەمەسە 98 200 تەڭگە جانە ودان كەيىنگى ءار بالا ءۇشىن 4 اەك-تەن بەرىلەدى.

"التىن القا"، "كۇمىس القا" القالارىمەن ماراپاتتالعان نەمەسە بۇرىن "باتىر انا" اتاعىن العان، ءى جانە ءىى دارەجەلى "انا داڭقى" وردەندەرىمەن ماراپاتتالعان كوپبالالى انالارعا تابىسىنا قاراماستان تولەنەتىن اي سايىنعى مەملەكەتتىك جاردەماقى 6،4 اەك نەمەسە 2022 جىلى 19 603 تەڭگەگە تەڭ بولادى.

2022 جىلى اەك مولشەرى 3 063 تەڭگە بولىپ بەلگىلەندى.