ماڭعىستاۋ وبلىسى جاڭاوزەن قالاسىنىڭ تۇرعىندارى بيلىككە بەينەۇندەۋ جولداپ، گاز باعاسىن ارزانداتۋدى تالاپ ەتىپ نارازىلىققى شىقتى. بۇل تۋرالى لادا باسىلىمى حابارلادى. 

جاڭاوزەندىكتەردىڭ ايتۋىنشا، 2022 جىلدىڭ 1 قاڭتارىنان باستاپ "كوگىلدىر" وتىن باعاسى كۇرت – 120 تەڭگەگە دەيىن وسكەن.

سول سەبەپتى، بۇگىن جاڭاوزەننىڭ جۇزدەگەن تۇرعىنى كوشەگە شىعىپ، ۆيدەوۇندەۋ جولدادى. تۇرعىندار ەلدەگى ەڭ تومەنگى جالاقىنى ەسكەرىپ، گاز باعاسىن 60 تەڭگەگە دەيىن ءتۇسىرۋدى تالاپ ەتتى. سونداي-اق ولار ماڭعىستاۋ وبلىسىندا گاز ۇنەمى بولعانىن قالايدى.

نارازى جۇرتتىڭ الدىنا قالا اكىمىنىڭ مىندەتىن اتقارۋشى عالىم بايجانوۆ، اكىم ورىنباسارى جاڭاباي ايماعامبەتوۆ جانە قۇقىق قورعاۋ ورگاندارى وكىلدەرى شىققان.

– ولارعا سۇيىتىلعان گازدى ساتۋ بويىنشا ءىستىڭ ءمان-جايى ءتۇسىندىرىلدى جانە "بەيبىت جينالىستاردى ۇيىمداستىرۋ تۋرالى" ق ر زاڭىنا، اتاپ ايتقاندا، ولاردىڭ ىس-ارەكەتتەرىنىڭ زاڭسىز ەكەنى تۋرالى تۇسىنىكتەمە بەرىلدى. ويتكەنى، ولار جينالىس وتكىزىلگەنگە دەيىن بەس جۇمىس كۇنى بۇرىن جەرگىلىكتى اتقارۋشى ورگاندى حاباردار ەتۋى قاجەت. قالا اكىمدىگىنىڭ وكىلدەرى جينالعاندارعا ءوز تالاپتارىن جازباشا تۇردە بايانداۋدى ۇسىنىلدى، - دەپ مالىمدەدى باسقارما وكىلى.

ەسكە سالساق، قازاقستاندا بيىلدان باستاپ ەڭ تومەنگى جالاقى 60 مىڭ تەڭگەنى قۇرايدى.