جاقىندا استانا قالاسىندا يشيم تەرروريستىك ۇيىمىن («يراك پەن شامداعى يسلام مەملەكەتى»، ارابشا داەش دەپ اتالىپ كەتكەن) جاقتايدى دەگەن كۇدىكپەن ەر ادام ۇستالدى. بۇل تۋرالى «قامشى» پورتالى nur.kz-كە سىلتەمە جاسايدى.

ۇلتتىق قاۋىپسىزدىك كوميتەتىنىڭ (ۇقك) رەسمي سايتى تاراتقان مالەمەتتەرگە سۇيەنەتىن بولساق، 30 قىركۇيەكتە كوميتەتتىڭ استانا قالالىق دەپارتامەنتى “تەرروريزمدى ناسيحاتتاۋ نەمەسە تەرروريزم اكتىسىن جاساۋعا جاريا تۇردە شاقىرۋ” ايىبى بويىنشا “راديكالدى ءدىني اعىمنىڭ جاقتاۋشىسىن” ۇستالعان.

ق ر ۇقك كۇدىكتى “الەۋمەتتىك جەلىلەردە ءدىني ەكسترەميستىك سيپاتتاعى ماتەريالداردى، ونىڭ ىشىندە يشيم حالىقارالىق تەرروريستىك ۇيىمىنىڭ ىس-ارەكەتىن ناسيحاتتاعان” دەگەن دەرەك بارىن، ءقازىر جەدەل تەرگەۋ جۇمىستارى ءجۇرىپ جاتقانىن ايتادى.

كۇدىكتى ءقازىر استاناداعى ىشكى ىستەر  دەپارتامەنتىنىڭ اباقتىسىندا قاماۋدا.

يشيم ۇيىمى 2014 جىلدىڭ جازىندا يراك پەن سيريانىڭ ءبىراز اۋماعىن باسىپ الىپ، ول جەردە “يسلام مەملەكەتىن” جاريالاعان.

 «قامشى» سىلتەيدى