نەمىس ۆيسە-كانسلەرى روبەرت حابەك ەلى ۋكرايناعا اسكەري جاعىنان ەرتەرەك قولداۋ كورسەتپەگەنىن قاتەلىك دەپ سانايدى.
گەرمانيانىڭ "Zweites Deutsches Fernsehen" قوعامدىق تەلەراديوكومپانياسىنا بەرگەن سۇحباتىندا حابەك ۋكراينانى قولداۋدى بىرنەشە جىل بۇرىن باستاۋ كەرەك ەدى دەدى.
"ءبىز، ارينە، ۋكراينانى اسكەري جاعىنان الدەقايدا ەرتەرەك قولداۋىمىز كەرەك ەدى، مەن تەك كۇندەر نەمەسە اپتالار تۋرالى ەمەس، جىلدار تۋرالى ايتىپ وتىرمىن" دەيدى ول.
انگەلا مەركەلدىڭ بۇرىنعى اكىمشىلىگى رەسەيمەن بايلانىسى، اتاپ ايتقاندا رەسەيلىك ەنەرگەتيكاعا تاۋەلدىلىگى ءۇشىن سىنعا الىنعان.
حابەكتىڭ ايتۋىنشا، گەرمانيا ءقازىر ۋكراينانى اۋىر قارۋ-جاراقپەن قامتاماسىز ەتۋگە كومەكتەسىپ جاتىر. بۇعان دەيىن نەمىس ۇكىمەتى ناتو ءجىو-نىڭ 2 پايىزىن قۇرايتىن ماقساتىنا جەتۋ ءۇشىن قورعانىس شىعىندارىن ارتتىرۋعا ۋادە بەرگەن. سونداي-اق گەرمانيا رەسەيدەن كەلەتىن "سولتۇستىك اعىن 2" گاز قۇبىرىن دا توقتاتتى.
پىكىر قالدىرۋ