قازگيدرومەت الداعى ءۇش كۇندە وڭتۇستىك جانە وڭتۇستىك-شىعىستا وتە قاتتى ىستىق ساقتالاتىنىن ءمالىم ەتتى.
سينوپتيكتەردىڭ دەرەگىنشە، رەسپۋبليكا اۋماعىنىڭ باسىم بولىگىندە ءالى دە تۇراقسىز اۋا رايى ساقتالادى 25 شىلدەدە ەلدىڭ سولتۇستىك-باتىسىندا قاتتى جاڭبىر جاۋىپ، نايزاعاي، داۋىل، بۇرشاق كۇتىلەدى. ەلدىڭ وڭتۇستىك-شىعىسىندا عانا كەزەڭ بويى جاۋىن-شاشىنسىز اۋا رايى بولماق، شاڭدى داۋىل سوعۋى مۇمكىن.
كۇندىزگى ۋاقىتتا اۋا تەمپەراتۋراسى تومەندەگىدەي شامادا بولادى دەپ بولجانىپ وتىر:
باتىستا +27 +42°س-تان +23 +35°س-قا دەيىن؛
سولتۇستىك-باتىس، ورتالىق وڭىرلەردە + 25 +38°س؛
رەسپۋبليكانىڭ سولتۇستىگىندە، شىعىسىندا +22 +30°س؛
ەلدىڭ وڭتۇستىگىندە، وڭتۇستىك-شىعىسىندا +34 + 46°س دەيىن.
پىكىر قالدىرۋ