قازاق ۇلتتىق ۋنيۆەرسيتەتى 37 ماماندىق بويىنشا مامان دايارلايتىن جوعارى وقۋ ورنى جانە عىلىمي-زەرتتەۋ ورتالىعىنا اينالدى. ۋنيۆەرسيتەت ماماندارى ىشىندە 1000-نان استام عىلىم دوكتورى مەن كانديداتى، 100 دەن اسا اكادەميك، دوكتورى بار.
ۋنيۆەرسيتەتتە ءبىلىم بەرۋ ءىسى بولون رەفورماسىنا سايكەس جۇرگىزىلەدى، وقىتۋدىڭ كرەديتتىك جۇيەسى تولىق كۇشىنە ەنگەن، وقۋ ۇدەرىسىنىڭ بارلىق ادام ءۇشىن تيىمدىلىگى مەن اشىقتىعى ، ءبىلىم الۋشىلاردىڭ اكادەميالىق ساۋاتتىلىعى ، «باكالاۆر – ماگيستر – PhD» تۇرىندە ءۇش ساتىلى ماماندار دايىنداۋ قامتاماسىز ەتىلگەن. الما ماتەردىڭ جاڭا دامۋ كەزەڭىندە ءال–فارابي اتىنداعى قازاق ۇلتتىق ۋنيۆەرسيتەتىنىڭ جاڭا اكادەميالىق ساياساتى ىسكە اسىرىلدى، ءبىلىم تەكسەرۋدىڭ قۋاتتى كورپوراتيۆتىك ينترانەت جۇيەسى جولعا قويىلدى.
ۋنيۆەرسيتەتكە قىزىعۋشىلىق تانىتىپ،ءبىلىم العىسى كەلەتىن تالاپكەرلەرگە اشىق ەسىك كۇندەرى دە قاراستىرىلعان.ءار فاكۋلتەت ءوزىنىڭ تالاپكەرلەرىنە ەكسكۋرسيا ،كورسەتىلىم شارالارىن جۇرگىزەدى.
جاستارمەن بىرلەسىپ جەتىستىككە جەتۋ جانە جاستارعا ءارقاشان دەم بەرۋدى ۋنيۆەرسيتەت ەشقاشان ۇمىتقان ەمەس.وسىنداي باستامالاردىڭ ءبىرى رەتىندە جاستار ۇيىمدارىنىڭ كوميتەتى اتالادى. جاستار ۇيىمدارىنىڭ كوميتەتىنىڭ ىشىنە كوپتەگەن، ستۋدەنتتەر مەن وقىتۋشىلارعا وقۋ پروسەسىن جەڭىلدەتۋ ءۇشىن قۇرىلعان ۇيىمدار كىرەدى.
جەتىستىككە تەك بىلىممەن عانا جەتۋ مۇمكىن ەمەس. مەن بۇل سوزبەن نەنى جەتكىزگىم كەلەدى؟ ستۋدەنتتەردى جان-جاقتى دامىتۋ – ۋنيۆەرسيتەت مىندەتى.
ءال-فارابي اتىنداعى قازاق ۇلتتىق ۋنيۆەرسيتەتىنە ءبىلىم الۋعا كەلگەن جاستار وزدەرىنە كەرەكتىڭ بارلىعىن ءوز قالاشىقتارىندا بار ەكەنىن بىلگەندە ودان ءارى قۋانارلارى انىق.سونىڭ ءبىرى ءوز قورىندا ەكى ميلليوننان استام كىتاپ جيناقتاعان ءال-فارابي كىتاپحاناسى.وسىنداي ۇلكەن كولەمدەگى ،ءارى ىڭعايلى دايىندالعان كىتاپحانا بىردەن ءبىر ءوزىمىزدىڭ الما ماتەرلىڭ ماقتانارلىق تۇسى.
جاس تالاپكەرلەردى قارا شاڭىراققا شاقىراردا ءبىر مۇدىرمەسىمىز انىق.ونىڭ سەبەبى،بۇل ۋنيۆەرسيتەتتىڭ قۇرىلىمى مەن جۇيەسى،قۇرىلىسى مەن ورنالاسۋى،قامتىعان عيماراتتارى تولىعىمەن ستۋدەنتتەر مۇددەسى ءۇشىن.ال ءوزىن عىلىمي زەرتتەۋ تۇرعىسىنان دامىتامىن دەۋشىلەرگە زەرتحانالار ەسىگى ءاردايىم اشىق.
توقسانبايەۆا نۇرگۇل قورعادجان قىزى. پسيحولوگيا عىلىمدارىنىڭ دوكتورى،
ءال-فارابي اتىنداعى ءقازۇۋ-نىڭ جالپى جانە قولدانبالى پسيحولوگيا
كافەدراسىنىڭ پروفەسسورى
پىكىر قالدىرۋ