ءماجىلىس دەپۋتاتتارى ءبىر اۋىزدان ءدىنتانۋشىلار ءدىني باعىتتاعى «اسىل ارنا» تەلەارناسىن تەكسەرۋى ءتيىس دەپ ەسەپتەپ وتىر. بۇل تۋرالى «قامشى» پورتالى يا Total.kz سايتىنا سىلتەمە جاساي وتىرىپ حابارلايدى. اتالمىش سايت WikiLeaks.org سايتىندا جارىق كورگەن ساۋد ارابياسىنىڭ «Saudi Cables» دەپ اتالاتىن قۇپيا قۇجاتىندا  قازاقستانداعى «اسىل ارنا» تەلەارناسىن قارجىلاندىرۋ تۋرالى حات بار ەكەندىگىن جاريالاعان. ۆيكيليكس سايتىندا جارىق كورگەن حاتتا  قازاقستانداعى «اسىل ارنا» تەلەارناسىن قارجىلاندىرۋ تۋرالى جازىلعان. قۇجاتتا ساۋد ارابياسىنىڭ مادەنيەت جانە اقپارات مينيسترلىگىنىڭ رەسمي وكىلدەرى اتالمىش ارناعا قارجى ءبولۋ تۋرالى ماسەلەنى تالقىلاعان.

دەپۋتات ايقىن كوڭىروۆ ب ا ق –تا جارىق كورگەن اقپارات ارنانى تەكسەرۋگە تولىق نەگىزدەي الادى دەپ ەسەپتەيدى. « مەملەكەتتىك ورگاندار باق-تا قىزۋ تالقىلانىپ جاتقان بۇل جاعدايعا ءمان بەرۋى ءتيىس. ولاردىڭ نە تۋرالى ايتىپ، قانداي اقپارات تاراتاتىندىعى تۋرالى  ساراپتاما جۇرگىزۋ كەرەك. مەنىڭ بىلۋىمشە، بۇنداي ارنانى تىركەۋ مەن تاراتۋ وڭاي شارۋا ەمەس. ارنا تىركەلۋ الدىندا ءوزىنىڭ كونتەنتى تۋرالى باعدارلاما جاساپ وتكىزدى دەپ ەسەپتەيمىن. مەن ءوزىم ب ا ق سالاسىندا قىزمەت اتقارعانمىن، سوندىقتان بارلىعىن باقىلاپ وتىراتىن مامانداردىڭ بار ەكەنىن بىلەمىن. بۇل نە ادامي فاكتور، نەمەسە جيناقتالعان «سىندارلى توپتىڭ» اسەرى. مەن وسى ەكى نۇسقانى ۇسىنا الامىن»،- دەپ ءوز ويىن ورتاعا سالعان.  ال،  ءماجىلىس دەپۋتاتى  اسحات بەكەنوۆ «اسىل ارنانى» ۋاقىتى بار كەزدە قارايتىنىن، ءبىراق ارنادان ەشقانداي ۇگىت-ناسيحات ۇلگىلەرىن بايقاماعاندىعىن ايتتى.  « بۇل ارنانى شەتەل قارجىلاندىرادى دەگەندى ەستىمەپپىن. اتالمىش ماسەلەگە بايلانىستى قۇقىق قورعاۋ ورگاندارى تەكسەرىس جۇرگىزۋى ءتيىس. ءسالافيزم مەن ۆاحاببيزم يدەياسى ءبىزدىڭ قوعامدا باياعىدا-اق بەلەڭ الىپ كەتكەن. ءتىپتى وسى يدەولوگيانى ۇستاناتىندار دا ارتىپ كەلەدى. ءبىراق ول ءبىزدىڭ ۇستاناتىن ءداستۇرلى يسلامىمىزعا قايشى كەلەدى»،-دەپ ەسەپتەيدى بەكەنوۆ.  

اقپاراتتىڭ جەدەل تۇردە تاراعانىنا بايلانىستى  الەۋمەتتىك جەلى پايدالانۋشىلار دا بۇل جاعدايدى قىزۋ تالقىعا سالىپ جاتىر.

اينۇر تولەۋ