باس اسكەري پروكۋراتۋرا مۇلىكتى مەملەكەتكە قايتارۋ بويىنشا شارالار اتقارىپ جاتىر، دەپ حابارلايدى باس پروكۋراتۋرانىڭ باسپا ءسوز قىزمەتى.
2014 جىلى الماتىنىڭ مەدەۋ اۋدانىنداعى جەر تەلىمى "دوستىق ستروي قۇرىلىس كومپانياسى" ج ش س مەنشىگىنە وتكەن. ونىڭ جالپى اۋماعى 3،8 گەكتاردى قۇراسا، قۇنى 6 ميلليارد تەڭگەدەن اسادى.
"الايدا بۇل كومپانيا 7 جىلدان استام ۋاقىت بويى جەر تەلىمىن ءوز ماقساتىنا ساي پايدالانىلماي كەلگەنىن ەسكەرە وتىرىپ، اسكەري پروكۋراتۋرا جەردى ءماجبۇرلى تۇردە الىپ قويۋ تۋرالى سوتقا شاعىم ءتۇسىردى" – دەپ مالىمدەدى مينيسترلىك.
سوت پروكۋراتۋرانىڭ تالاپتارىن قاناعاتتاندىرىپ، شەشىم زاڭ كۇشىنە ەنگەن. ءقازىر سوت شەشىمىن ورىنداۋ بويىنشا جۇمىستار جۇرگىزىلۋدە.
پىكىر قالدىرۋ