يپوتەكا تولەۋشىلەر مەن بىرنەشە قوعامدىق بىرلەستىكتەر ۇيىمى ميتينگ وتكىزدى. ەلباسىنىڭ تاپسىرماسى نەگىزىندە قايتا قارجىلاندىرۋ جوباسىنا 130 ميللارد اقشا بولىنگەن بولاتىن. قارسىلىق ءبىلدىرىپ، ميتينگكە شىعۋشىلار باعدارلامانىڭ مۇلدەم جۇمىس جاساپ تۇرماعاندىعىن اشىنا ايتۋدا. بۇل تۋرالى «قامشى» پورتالى  Total.kz سايتىنا سىلتەمە جاساي وتىرىپ حابارلايدى. اتالمىش باعدارلامانى قارىزدانۋشىلاردىڭ قولدانۋىنا مۇلدەم مۇمكىندىك جوق ەكەن. قارسىلىق بىلدىرۋشىلەر پەتيسيا دايىنداعان:

«ق ر  پرەزيدەنتىنىڭ ماقىلداۋىمەن قارىزدانۋشىنىڭ  ماسەلەسىن قايتا قارجىلاندىرۋعا ارنالعان باعدارلامانىڭ ىسكە قوسىلعانىنا جارتى جىل ءوتتى. بەلسەندى رەتىندە قارىزدانۋشىلارعا مەملەكەت تاراپىنان كومەك قاجەتتىگىن سەگىز جىلدا ارەڭ تۇسىندىرگەن ەدىك. ۇلتتىق بانك تاراپىنان 12 مىڭعا جۋىق قارىزدارلار قارجىلاندىرىلاعان ەكەن. ولار كىمدەر؟ ءبىز  ولاردى ۇلتتىق بانكپەن كەلىسىپ العان دەپ ەسەپتەيمىز. وسى باسشىلاردىڭ «ارقاسىندا» قاتارداعى  ۇيىم مۇشەلەرى مەن بەلسەندىلەردىڭ مۇددەسى اياققا تاپتالىپ وتىر. قانشاما ادام بيزنەسىنەن، وتباسىنان، باسپاناسىنان، دەنساۋلىعىنان ايرىلدى.وسىعان قاراماستان كەيبىر كوميسسيا مۇشەلەرى باعدارلاما ءساتتى جۇزەگە اسىپ جاتىر دەپ حابارلاۋدان ۇيالامايدى. انىعىندا ماسەلەسى باسىنان اسىپ جاتقان قارىزدانۋشىنىڭ جاعدايىن نەگە قاراستىرمايدى؟ ءبىز سەنىمىمىزدى جوعالتتىق!»،-دەپ جازىلعان.

ميتينگىگە شىققاندار كوميسسيا قۇرامىنا قوعامدىق ۇيىمنىڭ بەلسەندى مۇشەلەرىن ەنگىزۋدى تالاپ ەتتى. ولار تۇرعىن ۇيلەردى قايتارىپ بەرىپ، پاتەردەن شىعارىپ جابەرۋدى توقتاتۋ قاجەت دەپ ەسەپتەيدى.

جينالعاندار  ۇلتتىق بانكتىڭ باسقارما ءتوراعاسىنىڭ ورىنباسارى  الەكساندر تەرەنتيەۆ شىعىپ جاۋاپ بەرمەسە، ساتبايەۆ كوشەسىن جاۋىپ تاستايتىندىقتارىن ايتقان. پوليسيا ءتورت بەلسەندىنى  ميتينگ ءوتىپ جاتقان جەردەن ۇستاپ الىپ كەتكەن.

اينۇر تولەۋ