بۇگىنگى كۇننىڭ باستى جاڭالىعى. ارنايى شاقىرتۋدان كەيىن ەلىمىزگە ۋكراينا پرەزيدەنتى پەتر پوروشەنكو كەلگەن بولاتىن. قازىرگى تاڭدا «تانىمالدىلىعى» ارتىپ جۇرگەن پوروشەنكا مىرزانى الدىمەن ەل پرەمەرى كارىم ءماسىموۆ كۇتىپ العان-دى. ال، بۇگىن اقودادا ەكى ەلدىڭ پرەزيدەنتى رەسمي تۇردە كەزدەستى.

            رەسمي كەزدەسۋدىڭ كوكەسىن كورسەتتى بۇل باس قوسۋ. ادەتتەگىدەي كەزدەسۋ بارىسىندا مەملەكەت باسشىلارى قول الىستى. پرەزيدەنت رەزيدەنسياسىندا ءداستۇر بويىنشا قۇرمەتتى كۇزەت ساپقا تۇردى. مەملەكەتتىك كۇزەت قىزمەتىنىڭ پرەزيدەنتتىك وركەسترى باسشىلاردى مۋزىكامەن قارسى الدى. وركەستردىڭ ورىنداۋىندا ەكى ەلدىڭ ءانۇراندارى الما-كەزەك شىرقالدى.

            ارتىنشا بەكىتىلگەن زاڭدىلىق پەن رەگلامەنت بويىنشا ەكى ەلدىڭ باسشىلارى ءوزارا قاتىناس حاقىندا ءبىرشاما ماسەلەلەردى تالقىلادى.

            قوس  پرەزيدەنتكە رەسمي كەزدەسۋگە بەكىتىلگەن رەگلامەنت جەتىسپەدى. ارقانى كەڭگە سالعان جەمىستى ديالوگ بەكىتىلگەن رەگلامەنتتەن ەكى ەسە كوپ ۋاقىتتى الدى. پەتر پوروشەنكو مىرزا جارى مارينامەن بىرگە نازاربايەۆپەن ەستەلىك سۋرەتكە دە ءتۇستى.

 وسىنىڭ بارلىعىن ساراپتاي كەلە ەكەۋ-ارا اڭگىمەنىڭ كەلىستى ءارى جەمىستى بولعانىن پايىمداۋعا بولادى.

            الدىمەن پوروشەنكو مىرزا نۇرسۇلتان ءابىشۇلىنا ارنايى شاقىرتۋى ءۇشىن العىس جاريالادى. سونىمەن قاتار، ول اڭگىمە بارىسىندا ەلباسىن قازاق حاندىعىنىڭ 550 جىلدىق مەرەيتويىمەن قۇتتىقتادى.

            ايتا كەتۋىمىز كەرەك، بۇل پوروشەنكونىڭ ۋكراينا پرەزيدەنتى پوستىنا وتىرعاننان بەرى قازاقستانعا جاساعان العاشقى رەسمي ساپارى.

            كەزدەسۋ بارىسىندا نۇرسۇلتان ءابىش ۇلى كييەۆكە جاساعان ءوزىنىڭ العاشقى ساپارىن ەسكە الا وتىرىپ: «كييەۆكە جاساعان ساپارىم ەسىمدە. ول جاقتا ءار ۋاقىتتا دا قوناقجايلىلىقتى سەزىنەمىن. سوندىقتان دا بىزدەر پەتر الەكسەيەۆيچپەن جەكە كەزدەسۋىمىز بارىسىندا ساياسي جانە ەكونوميكالىق ىنتىماقتاستىعىمىزدىڭ بارلىق ماسەلەلەرىن تالقىلادىق. كوپتەگەن ماسەلەلەردە بىزدەر ءوزارا تۇسىنىستىككە كەلدىك»،- دەپ جەتكىزدى.

            بۇل كەزدەسۋدىڭ دە بەرگەن جەمىسى از ەمەس. كەزدەسۋدە ەكى پرەزيدەنت قازاقستان مەن ۋكراينا اراسىنداعى ساۋدا-ەكونوميكالىق، وتىن-ەنەرگەتيكالىق، اگروونەركاسىپ، كولىك، ونەركاسىپ پەن عارىش سالالارىنداعى ەكىجاقتى قارىم-قاتىناستار جايىن تالقىلادى.

            سونىمەن قاتار، ەلباسى پوروشەنكو مىرزانىڭ مينسك كەلىسىمىن ورىنداۋ بارىسىنداعى ەڭبەكتەرىنە ريزاشىلىعىن ءبىلدىردى.

            اتالعان كەزدەسۋ ۋركايندىق ب ا ق وكىلدەرى تاراپىنان دا تالان-تاراج تالقىعا ءتۇسىپ جاتىر. ولار قازاقستاننىڭ دسۇ مۇشەسى بولۋ ەكى ەل اراسىنداعى ساۋدا قاتىناسىن ودان ارمەن دامىتۋعا مول ۇلەس قوسادى دەپ سەنۋدە.

ايان مەيراش