ق ر ءبىلىم جانە عىلىم مينيسترلىگى مەن «حالىقارالىق باعدارلامالار ورتالىعى» اق حالىقارالىق «بولاشاق» ستيپەندياسىنىڭ رەسمي اكىمشىسىنىڭ قولداۋىمەن تمد ەلدەرى اراسىنداعى، ورتالىق ازياداعى ەڭ ۇزدىك جوو ءبىرى ءال-فارابي اتىنداعى قازۇۋ-دا ءبىرىنىشى رەت شەت تىلدەرىن وقىتاتىن ورتالىق(مەكتەپ) اشىلدى.  بۇل تۋرالى «قامشى» پورتالى حابارلايدى. ۋنيۆەرسيتەت اعىلشىن ءتىلىن ۇيرەتۋ ءۇشىن قازۇۋ-دا بيولوگيا جانە بيوتەحنولوگيا فاكۋلتەتىنەن اۋديتوريالار ءبولدى.

شەت تىلدەرىن وقىتاتىن ورتالىقتىڭ(مەكتەپتىڭ) رەسمي اشىلۋ سالتاناتىندا ءال-فارابي اتىنداعى قازۇۋ ءبىرىنشى پرورەكتورى مۇحامبەتقالي بۇركىتبايەۆ، قازاقستاننىڭ ءبىلىم بەرۋ سالاسىندا اعىلشىن ءتىلىن دامىتۋ ماڭىزدى شارۋالاردىڭ ءبىرى ەكەنىن اتاپ ايتتى. «قازىرگى تاڭدا عىلىمي ماقالالاردىڭ، ەڭبەكتەردىڭ باسىم كوپشىلىگى اعىلشىن تىلىندە جازىلادى. وسى مەكتەپتى اشۋ ارقىلى ءبىز عىلىم مەن ءبىلىم سالاسىنداعى باسەكەگە قابىلەتتىلىكتى ارتتىرامىز. سونىمەن قاتار ءبىز پرەزيدەنتىمىز نۇرسۇلتان ءابىش ۇلىنىڭ ءۇش ءتىلدى ۇلت بولۋ يدەياسىن جۇزەگە اسىرامىز»، - دەدى م.بۇركىتبايەۆ.

ءوز كەزەگىندە «حالىقارالىق باعدارلامالار ورتالىعى» اق پرەزيدەنتى عاني نىعىمەتوۆ «بولاشاق» باعدارلاماسى بويىنشا اعىلشىن ءتىلىن وقىتۋ جۇيەسى ايتارلىقتاي وزگەرگەنىن ايتتى. بۇگىندە ايلىق وقىتۋ كۋرسىنىڭ قۇنى ورتا ەسەپپەن ءبىر ستۋدەنتكە 4،5 مىڭ دوللار، بۇل شەت ەلدە ءتىل ۇيرەتۋدەن ءبىرشاما ارزان. ال شەت ءتىلدى سىرتتا وقىتۋ اي سايىن ءبىر ستۋدەنتكە 10-15 مىڭ دوللار جۇمسالاتىن. «ساپار الدىندا ستيپەندياتتار جارتى جىل كولەمىندە وسى ءتىل وقىتۋ مەكتەبىندە ءدارىس الادى. ال كەلەسى جارتى جىلدا ءتىلدى وقۋعا باراتىن ەلدە ۇيرەتەتىن بولادى. بۇل كۋرس اكادەميالىق باعدارلاما بويىنشا وقۋعا تۇسەتىن ستيپەندياتتارعا ارنالعان. باعدارلاما بويىنشا «بولاشاق» ستيپەندياتتارى عانا ەمەس، سونىمەن قاتار قازۇۋ ستۋدەنتتەرى مەن وقىتۋشىلارى دا وقۋعا مۇمكىندىك الادى»، - دەدى ع.نىعىمەتوۆ.

          تىلدىك جانە وقىتۋ باعدارلامالارى ءبىلىم بەرۋ سالاسىنداعى حالىقارالىق بريتاندىق كەڭەسپەن ۇيىمىمەن  ارىپتەستىك نەگىزگىندە دايىندالادى. بريتاندىق كەڭەستىڭ  ديرەكتورى ەندي ۋيليامس: «بۇل مەكتەپتىڭ اشىلۋى قازاقستان-بريتان ءبىلىم بەرۋ سالاسىنداعى قارىم-قاتىناسىنىڭ نىعايا تۇسۋىنە جاسالعان تاعى ءبىر قادام»،- دەپ اتاپ ءوتتى. «ءبىز ءوزىمىزدىڭ تاراپىمىزدان مۇنداي تىلدىك ورتالىقتاردىڭ اشىلۋىن تولىقتاي قولدايمىز. بۇگىندە اعىلشىن تىلىندە دوستىق قارىم-قاتىناستار مەن مەملەكەتتەر اراسىنداعى جەمىستى حالىقارالىق ىنتىماقتاستىق ورناتىلىپ جاتىر. قازاقستان  پرەزيدەنتى  اتاپ وتكەندەي، اعىلشىن ءتىلى 100 ناقتى قادام بويىنشا قازاقستاننىڭ بولاشاقتا ءساتتى دامۋىنىڭ ءبىر بولىگى بولادى»، - دەدى اعىلشىن ديپلوماتى.

          ءال-فارابي اتىنداعى قازۇۋ-دا اعىلشىن ءتىلىن ۇيرەتۋدى دامىتۋ ءۇشىن بەلسەندى ءىس-شارالار اتقارىلىپ كەلەدى. سوڭعى بەس جىلدىڭ ىشىندە جوو فاكۋلتەتتەرىندە تەك اعىلشىن تىلىندە ساباق وقىتىلاتىن توپتار جۇمىس جاسايدى. قازۇۋ-عا ەۋروپا جانە اقش ۋنيۆەرسيتەتتەرىمەن جاسالعان كەلىسىم-شارت نەگىزىندە پروفەسسورلار كەلىپ اعىلشىن تىلىندە ءتۇرلى دارىستەر مەن ساباقتار وتكىزەدى. وقىتۋدىڭ بۇل ءادىسى ءبىلىم بەرۋ سالاسىندا ۇلكەن سۇرانىسقا يە بولعاندىقتان، قازۇۋ-دىڭ حالىقارالىق دارەجەدە جوعارعى دەڭگەيدەگى باسەكەگە قابىلەتتىلىگىنىڭ دالەلى بولسا كەرەك. الداعى ۋاقىتتا قازۇۋ نەگىزىندە  قۇرىلعان العاشقى ءتىل وقىتۋ مەكتەبى ۋنيۆەرسيتەتتەگى ءتىل وقىتۋ ادىستەرىنىڭ دامۋىنا ءوز ۇلەسىن قوسادى.