الماتى گارنيزونىنىڭ اسكەري سوتى "بيلىك وكىلەتىن اسىرا پايدالاندى" دەپ ايىپتالعان الماتى وبلىسىنىڭ 18 404 اسكەري ءبولىمنىڭ قاتارداعى جاۋىنگەر دانيار ەگەمبايەۆتى 7 جىلعا بوستاندىعىنان ايىردى.
ونى سوت زالىندا قاماۋعا الدى. بۇل تۋرالى ازاتتىق راديوسى حابارلادى.
بىلتىر 8 قاڭتاردا نۇربولات سەيىتقۇلوۆ پەن التىناي ەتايەۆا جانە ولاردىڭ 15 جاستاعى قىزى نۇراي ورازحان تالدىقورعان قالاسىندا جەكە كولىكتەرىمەن كەتىپ بارا جاتقان جەرىنەن ارنايى جاساقتىڭ وعىنا ۇشقان. وق تيگەن كولىكتىڭ ساۋ تامتىعى قالماعان. وق بىرنەشە قارۋدان اتىلعان دەگەن دە كۇدىكتەر ايتىلعان.
سوت بارىسىندا جاۋىنگەر دانيار ەگەمبايەۆ نۇربولات سەيىتقۇلوۆ پەن ونىڭ قىزى نۇراي ورازحاننىڭ ولىمىنە كىنالى دەپ تانىلعان بولاتىن. الايدا التىناي ەتايەۆانىڭ قازاسى جەكە قاراستىرىلادى.
جاۋىنگەردىڭ اتا-اناسى سوت ۇكىمىمەن كەلىسپەدى.
پىكىر قالدىرۋ