الماتى وبلىسىندا سىبايلاس جەمقورلىققا قارسى ءىس-قيمىل اگەنتتىگى مەن وقۋ-اعارتۋ مينيسترلىگى سىبايلاس جەمقورلىق تاۋەكەلدەرىن بىرلەسكەن سىرتقى تالداۋ ناتيجەلەرىن قاراستىرعان.
تالداۋ اياسىندا قاراجاتتى ۇرلاۋ جانە ولاردى ۇتىمسىز پايدالانۋ فاكتىلەرى انىقتالدى. سوڭعى 3 جىلدا مەملەكەت ءبىلىم بەرۋ سالاسىن دامىتۋعا 12،1 ترلن تەڭگە بولگەن.
مەملەكەتتىك قولداۋدى ارتتىرۋدىڭ سەبەپتەرىنىڭ ءبىرى – مۇعالىمدەردىڭ جالاقىسىن كوتەرۋگە مۇمكىندىك بەرگەن "پەداگوگ مارتەبەسى تۋرالى" زاڭنىڭ قابىلدانۋى بولعان. 2020 جىلدان باستاپ وسى سالادا 143 ادام سوتتالدى. مەملەكەتكە كەلتىرىلگەن زالال شامامەن 11 ملرد تەڭگەنى قۇراعان.
الماتى وبلىسى بويىنشا سىبايلاس جەمقورلىققا قارسى قىزمەت دەپارتامەنتىنىڭ وكىلدەرى اتاپ وتكەندەي، تالداۋ اياسىندا وڭىردە ولگەن ادامدارعا اقشالاي قاراجات ەسەپتەۋدىڭ 13 فاكتىسى جانە مەكتەپ مۇعالىمدەرى مەن بۋحگالتەرلەرىنە جالاقىنى نەگىزسىز كوتەرۋدىڭ 30 فاكتىسى انىقتالدى. بيۋدجەت قاراجاتىن ماقساتسىز پايدالانۋدىڭ جالپى سوماسى – شامامەن 750 ملن تەڭگە.
مۇنداي جاعداي ءتيىستى ۆەدومستۆولىق باقىلاۋدىڭ بولماۋىنا جانە بۋحگالتەرلىك ەسەپ جۇيەلەرىندەگى ولقىلىققا بايلانىستى ورىن العان.
پىكىر قالدىرۋ