الماتى قالاسىنىڭ بۇرىنعى اكىمى باۋىرجان بايبەكتىڭ اكەسىنە ايىپپۇل سالىندى. ەكس-اكىمنىڭ اكەسى قىدىرعالي بايبەك 51 مىڭ تەڭگە تولەۋگە مىندەتتەلدى.
استانانىڭ اكىمشىلىك قۇقىق بۇزۋشىلىق جونىندەگى مامانداندىرىلعان اۋدانارالىق سوتى قىدىرعالي بايبەككە قاتىستى ءىستى قارادى. سوت ونلاين رەجيمىندە ءوتتى. سوتتالۋشىنىڭ ءوزى سوت وتىرىسىنا قاتىسقان جوق. قىدىرعالي بايبەك ءتيىستى قۇقىعى جوق جەر ۋچاسكەسىن زاڭسىز پايدالانىپ، كاسiءبىن رەسمي تىركەمەگەنى انىقتالدى.
سوت قىدىرعالي بايبەكتى اقبتك-نىڭ 463-بابى 1-بولىگى بويىنشا قۇقىق بۇزۋشىلىق جاساعانى ءۇشىن كىنالى دەپ تاۋىپ، 51 750 تەڭگە كولەمىندە ايىپپۇل تاعايىندادى.
