اعىمداعى جىلدىڭ باسىندا كوبان قالاسىن جيھادشىلاردان بوساتقان سيريالىق كۇردتىك «ءوزىن- ءوزى قورعاۋ حالىقتىق جاساقتارى» «يسلامدىق مەملەكەت» توبىنىڭ رەسمي ەمەس استاناسى راككۋ قالاسىنا شابۋىل جاسايتىنىن مالىمدەدى. بۇل تۋرالى «قامشى» پورتالى euronews.com-عا سىلتەمە جاساي وتىرىپ حابارلايدى. قالا يسلاميستەردىڭ باقىلاۋىنا 2013 جىلى تۇسكەن بولاتىن. كۇردتەر بۇل وپەراسيانى اقش باسشىلىعىنداعى حالىقارالىق كواليسيامەن بايلانىسىپ ىسكە اسىرماق. بۇل ارەكەتكە كەيبىر توپتار مەن ءبىرىڭعاي كوتەرىلىسشىلەر دە قاتىساتىن كورىنەدى.
ال، سيريالىق ۇكىمەتتىك اسكەر رەسەيلىك اۆياسيا قولداۋىنىڭ ارقاسىندا لاتاكيا پروۆينسياسىنداعى بىرنەشە اۋىلدى جيھادشىلاردان بوساتتى.
ايتا كەتەيىك، ماسكەۋ ۇكىمەتى يليم-گە قارسى اۋە وپەراسياسىن سيريا پرەزيدەنتى باشار اسادتىڭ وتىنىشىمەن 13 قىركۇيەكتە باستاعان بولاتىن. كۇنى كەشە داماسكتاعى رەسەيلىك ەلشىلىكتىڭ الدىندا وتكەن رەسەي ارەكەتتەرىن قولداۋعا بايلانىستى ميتينگ ۇيىمداستىرىلىعان ەدى. سالدارىنان ەلشىلىكتىڭ ءوزى مينومەتتىق وق جاۋدىرۋدىڭ وبەكتىسىنە اينالىپ كەتتى. ءبىراق، زارداپ شەككەندەر جوق.
پىكىر قالدىرۋ