2023 جىلى 27 قىركۇيەكتە AlmaU-دا «ماماندىعىم – بولاشاعىم» جوباسى باستالدى. اتالمىش جوبا ق ر ۇكىمەتى قابىلداعان «حالىقتىڭ تابىسىن ارتتىرۋدىڭ 2029 جىلعا دەيىنگى باعدارلاماسى» شەڭبەرىندە ىسكە اسىرىلىپ جاتىر.  

الماتى قالاسىنىڭ ءبىلىم باسقارماسىنىڭ تاپسىرىسى بويىنشا الماتى مەنەدجمەنت ۋنيۆەرسيتەتىنىڭ كرەاتيۆتى يندۋستريالار ورتالىعى «الماتى قالاسىن2030 جىلعا دەيىنگى دامىتۋ پەرسپەكتيۆاسىنداعى نەگىزگى الەۋمەتتىك-ەكونوميكالىق كورسەتكىشتەردى ەسكەرە وتىرىپ، جاڭا كاسىپتەر مەن قۇزىرەتتەر اتلاسى» جوباسىن ازىرلەۋدى باستادى.

جاڭا كاسىپتەر مەن قۇزىرەتتەر اتلاسى – بۇل ءار سالا ساراپشىلارىنىڭ پىكىرىنشە ءقازىردىڭ وزىندە سۇرانىسقا يە جانە جاقىن ارادا پايدا بولاتىن كاسىپتەر جيناعى. بۇل اتلاستاعى كاسىپتەر مەن قۇزىرەتتەر الداعى 5-10 جىلعا انىقتالادى. 5-10 جىلدان كەيىن قانداي ماماندىقتار وزەكتى بولاتىنىن انىقتاۋ ءۇشىن Foresight (فورسايت) ادىستەمەسى قولدانىلادى. بولاشاق سەنارييلەرىن ازىرلەۋدەگى جەتەكشى ءرول ءوز سالاسىندا ايتارلىقتاي تاجىريبەسى بار، سالانىڭ دامۋىنا اسەر ەتءۋشى جانە بولاشاقتىڭ دامۋىنا وزىندىك كوزقاراسى بار سالالىق ساراپشى ماماندارعا تيەسىلى.

فورسايت-سەسسيا جۇمىسىنداعى نەگىزگى ماقسات – كاسىبي قىزمەت سالالارىنىڭ وزگەرۋىنە اسەر ەتەتىن، ۋاقىت وتە كەلە داميتىن ۇردىستەردى انىقتاۋ جانە تالداۋ. ەسكى كاسىپتەردىڭ وزگەرۋى نەمەسە جاڭا كاسىپتەردىڭ پايدا بولۋى قانداي تەحنولوگيالاردىڭ داميتىنىنا جانە بولاشاق سەنارييلەردى قانداي ترەندتەر انىقتايتىنىنا بايلانىستى.

ءىس-شارا قر عىلىم جانە جوعارى ءبىلىم ءمينيسترى ساياسات نۇربەكتىڭ سوزدەرىنەن باستالدى: «ماماندىعىم –بولاشاعىم» باعدارلاماسىنىڭ ماقساتى – ءوڭىر ەكونوميكاسىنىڭ ەرەكشەلىگىن ەسكەرەتىن وڭىرلىك كارتالاردى قالىپتاستىرۋ. ءبىزدىڭ جاعدايدا بۇل رەسپۋبليكالىق ماڭىزى بار، ەڭ ءىرى، سونىمەن بىرگە ەكونوميكالىق تۇرعىدان كۇردەلى، ءدال وسى ءونىمدى شىعارماشىلىق كومپونەنتتى دامىتۋدا ۇلكەن الەۋەتى بار الماتى قالاسى. باعدارلامادا ءۇش نەگىزگى ستەيكحولدەر بار. ءبىرىنشىسى – جەرگىلىكتى اتقارۋشى ورگان، ول تەرەڭ سۇڭگۋ بارىسىندا قالا ەكونوميكاسىن قالىپتاستىراتىن سالالىق كاسىپورىندار مەن زاكىرلىك جۇمىس بەرۋشىلەرىنىڭ سۇرانىستارىن ناقتى تۇسىنەتىن شوب. ەكىنشى ستەيكحولدەر – ايماقتىق ءبىلىم بەرۋ جۇيەسى. اتلاس ىسكە اسىرىلىپ جاتقان وبلىستاردا جوعارى وقۋ ورىندارى مەن كوللەدجدەر وزدەرىنىڭ ءبىلىم بەرۋ باعدارلامالارىن جاڭارتىپ جاتقانىن اتاپ وتەءيىن. ءبىلىم بەرۋ مەكەمەلەرى ولاردىڭ مازمۇنىن 90%-عا دەيىن تۇرلەندىرۋى مۇمكىن. ءۇشىنشى ستەيكحولدەر – بۇل بيزنەس. وسى كارتا ارقىلى ولار وزدەرىنىڭ كادرلىق قاجەتتىلىكتەرىن الدىن الا تۇجىرىمداي الادى».

جالپى، ءىس-شاراعا «ماماندىعىم – بولاشاعىم»جوبالارىنىڭ جەتەكشىسى سامعات ەرمەكبايەۆ، الماتىقالاسى بءىلىم باسقارماسى باسشىسىنىڭ ورىنباسارى باقىتجان بيەكوۆا، «الماتى قالاسىنىڭ جاڭا كاسىپتەر مەن قۇزىرەتتەر اتلاسى» جوباسىنىڭ جەتەكشىسى دانا شاياحمەت، «ماماندىعىم – بولاشاعىم» جوباسىنىڭ الماتى قالاسى بويىنشا جوبالىق كەڭسەسىنىڭ باسشىسى جاننا تۋلەگەنوۆا قاتىستى.

«الماتى قالاسىنىڭ جاڭا كاسىپتەر مەن قۇزىرەتتەر اتلاسى» جوباسىنىڭ جەتەكشىسى دانا شاياحمەت بىلاي دەيءدى:

«AlmaU بۇكىل قازاقستان بويىنشا رەسپۋبليكالىق ماڭىزى بار قالا رەتىندە وڭىرلىك جانە الماتى اتلاسىن قۇرۋ بويىنشا ىسكە اسىرىلىپ جاتقان «ماماندىعىم – بولاشاعىم» جوباسىنا قوسىلدى. اتالمىش اتلاس ءبىر جاعىنان قانداي ماماندىقتار ەسكىرگەنءىن، ەكىنشى جاعىنان كوللەدجدەردە، جوو-لاردا قانداي ماماندىقتار پايدا بولاتىنىنا ءاسەر ەتەدى. 6 باعىت بويىنشا اتلاس ازىرلەنەدى. بۇگىن ءبىز قوناقجايلىلىق سالاسى جانە سەرۆيس، قۇرىلىس، ساۋلەت جانە ۋربانيستيكا،كولىك جانە لوگيستيكا باعىتتارى بويىنشا فورسايت-سەسسيانى باستادىق».

الماتى قالاسى بءىلىم باسقارماسى باسشىسىنىڭ ورىنباسارى باقىتجان بيەكوۆا جوبانىڭ ماڭىزدىلىعىنا توقتالدى: «بۇل – الماتى قالاسىنىڭ ەكونوميكالىق دامۋىنا ۇلكەن سەپتىگىن تيگىزەتىن جوبا. سەبەبى ماماندىقتار مەن قۇزىرەتتەر اتلاسى 2017 جىلدان بەرى باستاۋ العان. 2019 جىلى اقتوبەدە حرومتاۋ كوللەدجىندە اتلاستىڭ ناتيجەلەرى بەلگىلەنىپ، ۇلكەن سەرىكتەستىك جۇمىس جۇرگىزىلدى. جاڭا ماماندىقتار اشىلدى، جاڭا ءبىلىم باعدارلامالارى ىسكە قوسىلدى. بيىل الماتى قالاسىنىڭ جەرگىلىكتى بيۋدجەتىنەن قارجى ءبولىنىپ، 6 باعىت بويىنشا 2030 جىلعا دەيىن قانداي ماماندىقتار، قانداي قۇزىرەتتەر سۇرانىسقا يە بولاتىنى انىقتالماق.  ءبىلىم باسقارماسى رەتىندە ءبىز جىل سايىن مەملەكەتتىك ءبىلىم بەرۋ تاپسىرىسىن جوسپارلايمىز. سوندىقتان بۇل جوبانىڭ بەرەرى كوپ. ەكونوميكالىق باعىتتان شىعىپ جاتقان ەسكى ماماندىقتاردى جابۋ بويىنشا جۇمىس جۇرگىزەمىز. مەكتەپ جاسىنداعى وقۋشىلار 7 سىنىپتان باستاپ باعىتىن تاڭدايتىنىن بىلەسىزدەر. جوبانىڭ ناتيجەسىندە ءبىز ولارعا الماتى قالاسىندا مىناداي ماماندىقتار پايدا بولادى دەپ ايتا الامىز».

«ماماندىعىم – بولاشاعىم» جوبالارىنىڭ جەتەكشىسى سامعات ەرمەكبايەۆ سانداردى سويلەتتى:

«ماماندىعىم – بولاشاعىم» جوباسىنىڭ اياسىندا 94 سۇحبات الىندى، 1298 بولجام جاسالىندى، 916 ادام فورسايت-سەسسياعا قاتىستى. 9 سالاعا ارنالعان فورسايت-سەسسيالار ناتيجەسىندە 463 ماماندىق ىرىكتەلدى. ونىڭ 239-ى جاڭا، 95ء-ى وزگەرىسكە ۇشىراعان، 129-ى جويىلۋى مۇمكىن».

«ماماندىعىم – بولاشاعىم» جوباسىنىڭ الماتى قالاسى بويىنشا جوبالىق كەڭسەسىنىڭ باسشىسى جاننا تۋلەگەنوۆا سالا بويىنشا فورسايت-سەسسياعاقاتىساتىن ساراپشىلاردى توپ-توپقا ءبولدى. ناتيجەسىندە كوپتەن كۇتكەن فورسايت-سەسسيا باستالدى.