اقتوبە وبلىسىنا قاراستى شالقار اۋدانى، جاڭاقونىس اۋىلدىق وكرۋگىنىڭ اكىمى ەرسايىن دانابەك ءوز ورنىن ەركىنەن تىس بوساتىپ وتىر.

            سەبەپ تاعى سول – قوعامدى جەگى قۇرتتاي جەپ جاتقان جەمقورلىق. الايدا ماڭدايدىڭ سورى بولعان ميلليوندار جەلىنبەدى بۇل جولى. بار بولعانى 1350 تەڭگە. بۇل تۋرالى «قامشى» پورتالى «موي گورود» پورتالىنا سىلتەمە جاساي وتىرىپ حابارلايدى.

            داۋدىڭ باسى بالاباقشاداعى ۋنيتازدان شىعىپ وتىر. بيىل جازدا بولعان جوندەۋ جۇمىستارى بارىسىندا باسشى مەردىگەرگە 29 مىڭ تەڭگە ارتىق تولەگەنى انىقتالعان. الايدا باسشى بۇل قاراجاتقا ەكى ۋنيتاز جانە ءتورت راكوۆينا العىزعانىن، كەيىن قۇبىردىڭ جوق بولۋىنا بايلانىستى ونىڭ قۇرىلماعانىن مالىمدەگەن.

            قايتا تەكسەرۋ بارىسىندا 1350 تەڭگەنىڭ جەتىسپەيتىندىگى بەلگىلى بولعان. ءسويتىپ، ەرسايىن دانابەكتىڭ ءىسىن شالقار اۋداندىق اكىمدىگىندەگى تارتىپتىك كەڭەستە قاراۋعا شەشىم قابىلدانادى. قىسقاسى سوعان بولا اۋىل  اكىمى ءوز ورىنىنان ايىرىلىپ قالعان. ءقازىر ول ءوز قۇقىعىن قورعاۋ ءۇشىن تارتىپتىك  كەڭەسپەن سوتتاسىپ الەك.

            «بۇل ۋاقىتتا اۋدان اكىمى دەمالىستا بولاتىن. جۇمىس ورنىن بوساتسىن دەپ ۇكىم شىعارا سالعانى بولماسا، ونىڭ ورىنباسارى نازارىن بۇرىپ تا قارامادى. مەن مۇنىمەن كەلىسپەيمىن. ويتكەنى، ەشقانداي جەمقورلىق فاكتىسى ورىن الماعان. ونىڭ ۇستىنە، پروكۋرورلار دا ءوز قۇجاتتارىندا كوپتەگەن مالىمەتتەردى جالعان جازدى. ءقازىر ولارمەن سوتتاسىپ جاتىرمىن. ءوزىمدى زاڭسىز جۇمىستان شىعارىپ جىبەرگەنىن دالەلدەيمىن»، - دەيدى ەكس-شەنەۋنىك.

            ەرسايىن مىرزا بۇگىنگە دەيىن ەكى سوتتان ۇتىلىپ تىنعان. ەندى ول جوعارعى سوتقا دەيىن بارامىن دەپ وتىر.