ۇلتتىق بانكتىڭ باسشىسى قايرات كەلىمبەتوۆ رەسەي ءرۋبلىنىڭ قۇنسىزدانۋىن بولجاپ وتىر. بۇل تۋرالى ول جەنيەۆاداعى Graduate ينستيتۋتىندا اكادەميكتەر مەن ديپلوماتتاردىڭ الدىندا مالىمدەدى، دەپ حابارلادى Forbes.kz Reuters-كە سىلتەمە جاساپ. ۇلتتىق بانك باسشىسىنىڭ پىكىرىنشە، دامۋشى ەلدەر اكتيۆتەرىنىڭ جاپپاي ساتىلىمى، سالدارىنان سول ەلدەردىڭ ۇلتتىق ۆاليۋتا قۇنىنىڭ تومەندەۋى بۇل ءالى باسى عانا. كەلىمبەتوۆ اعىمداعى جىلى «ديەۆالۆاسيانى كوپ كورەمىز»، ال رەسەي ەكونوميكاسىنىڭ بۇگىنگى پروبلەماسى دامۋشى ەلدەرگە دە ورتاق دەيدى. سونداي-اق ول قازاقستاندا تەڭگە باعامىن رەتتەۋ مۇمكىندىكتەرى بار، قاجەت بولعاندا ىسكە كىرىسۋگە دايىن ەكەنىن جەتكىزدى. قازاقستان ەكونوميكاسىنا اسەرىن تيگىزەتىن نەگىزگى فاكتورلار - مۇناي باعاسىنىڭ تومەندەۋى مەن رەسەيلىك ءرۋبلدىڭ قۇنسىزدانۋى. بۇگىن، 6 اقپاندا، كەلىمبەتوۆ بازەلدە شەتەل ورتالىق بانكتەرىنىڭ باسشىلارىمەن كەزدەسۋدى جوسپارلاپ وتىر، دەپ جازادى Reuters.