جۇرتشىلىق اقتوبە وبلىسى اكىمىنىڭ ورىنباسارى سارا نۇرقاتوۆانى ۇلى لاۋازىمدى قىزمەت اتقارعانى ءۇشىن جەردەن الىپ، جەرگە سالدى... "نۇروتان" ءتىپتى جۇمىستان كەتۋىن تالاپ ەتتى... "جۇمىس ىستەۋگە مورالدىق قۇقىعى جوق، قۋۋ كەرەك مۇندايلاردى"، "تامىر-تانىستىققا بالتا شابۋ كەرەك"، "بۇل نە سۇمدىق ءوزى اكىمنىڭ ورىنباسارى، ال بالاسى ءبىلىم باسقارماسىنىڭ ورىنباسارى، ءوز ۇلىنا ءوزى تاپسىرما بەرگەن بە" دەپ جۇلىندى بىلايعىدا اۋىز اشپايتىن توماعا-تۇيىق كەي "بەلسەندىلەر"... سارا نۇرقاتوۆا بولسا، ءباسپاسوز-ماسليحاتىن وتكىزىپ، ۇلىنىڭ بۇل قىزمەتكە ادال جولمەن كەلگەنىن ايتىپ اقتالىپ باقتى... راسىندا، اناسى لاۋازىمدى قىزمەتكە تاعايىندالعانعا دەيىن ول جىگىت جاستار دەپارتامەنتىندە باسشىلىق قىزمەتتە، ءبىلىم دەپارتامەنتىندە قىزمەت ەتكەن ەكەن... وسى ورايدا، پرەزيدەنتتىڭ باياعى ءسوزى ەسكە ءتۇستى... "مەنىڭ دە بالالارىم بارشا قازاقستاندىق ازاماتتار سەكىلدى لاۋازىمدى قىزمەت اتقارۋعا قۇقى بار..." بۇل ءسوزدى ۇمىتپاسام، 20 جىل بۇرىن ايتقان-تىن... ودان بەرى ونىڭ بالالارى ءوز قۇقىقتارىن 100%-عا ورىنداپ تاستاعانىنا بۇكىل قوعام كۋا بولدى... ەندەشە، تۋرا وسى مىسال نەگىزىندە اڭگىمەنى ودان ءارى وربىتسەك، بالالارى ءتۇرلى لاۋازىمدى قىزمەتتە وتىرعان بيلىكتىڭ بيىك شىڭىنداعى شەندى-شەكپەندىلەردىڭ ازاماتتىق قۇقىقتارى ەسكەرىلەدى دە، ايماقتىق باسشىلارعا كەلگەندە "تامىر-تانىستىق" ،" جەڭ ۇشىنان جالعاسقان جەمقورلىق" بوپ شىعا ما؟ 

دينا تۇلەكوۆا، Facebook پاراقشاسىنان الىندى