قىتايدا اقش پرەزيدەنتى باراك وبامانىڭ «سىڭارى» پايدا بولدى. 29 جاستاعى سياو سزيگو ەسىمدى اكتەر بۇگىندە ون مينۋتتىق تۇسىرىلىمدەر ءۇشىن مىڭ جارىم دوللار قالاماقى الاتىن كورىنەدى. بۇل تۋرالى «قامشى» اقپاراتتىق پورتالى www.uznayvse.ru سايتىنا سىلتەمە جاساي وتىرىپ حابارلايدى.
ءارتىستىڭ اقش پرەزيدەنتىنە ۇقسايتىنى تۋرالى العاش رەت 2008 جىلى شاشىن قىسقا ۇلگىدە قىسقارتقان كۇنى ارىپتەسى ايتقان. سول جىلى اقش-تا باراك وباما ءبىرىنشى رەت پرەزيدەنت سايلاۋىنا قاتىسىپ جاتقان بولاتىن. ال، وبامانىڭ «سىڭارى» ول كەزدە اقش پرەزيدەنتى تۋرالى مۇلدەم حابارسىز بولعان ەكەن.
اكتەردىڭ اتاعى 2012 جىلى Chinese Dream Show بايقاۋىنا قاتىسقان سوڭ شارىقتاپ شىعا كەلىپتى. اعىلشىن ءتىلىن جەتىك بىلمەسە دە، سياو قىتايلىقتار اراسىندا وتە تانىمال ونەر جۇلدىزى.
