الماتى وبلىسىندا الماتى تۇرعىنى ءىرى كولەمدەگى ەسىرتكى زاتىمەن ۇستالدى، -دەپ حابارلايدى «قامشى» پورتالى قازاقپاراتقا سىلتەمە جاساي وتىرىپ.
پوليسيا 38 جاسار ەر كىسىنى الماتى وبلىسى تۇزدىباستاۋ ەلدى مەكەنىنە جاقىن تاۋ شاتقالدارىندا ۇستاعان. ونىڭ ۆەلوسيپەدىنە تيەلگەن ەكى قاپشىق وسىمدىك تەكتى زات ساراپتاما قورىتىندىسى بويىنشا جابايى قاراسورا ەكەنى انىقتالدى.
كۇدىكتى ەسىرتكىنى ءوزى قولدانۋ ءۇشىن جيناعانىن، ساتۋ جوسپارى بولماعانىن ايتىپ اقتالعان.
«تاركىلەنگەن ەسىرتكى زاتىنىڭ جالپى سالماعى 26 كەلىنى قۇرايدى. اتالعان دەرەك بويىنشا الماتى وبلىسى تالعار اۋدانى ءىىب-ندا سوتقا دەيىنگى تەرگەۋ تاعايىندالدى، - دەلىنگەن الماتى وبلىسى ءىىد تاراتقان حابارلامادا.
«قامشى» سىلتەيدى
