ق ر پارلامەنتى ءماجىلىسىنىڭ دەپۋتاتى نۇرلان ءابدىروۆ قازاقستاندا العاش رەت جەكەمەنشىك تۇرمە سالىنىپ جاتىر دەگەن اقپاراتتىڭ شىندىققا جاناسپايتىندىعىن ءمالىم ەتتى،- دەپ حابارلايدى قازاقپارات
"مەملەكەتتىك-جەكە ارىپتەستىك قاعيداتى بويىنشا قاراعاندىدا العاشقى رەت 1500 ورىندىق تۇزەۋ مەكەمەسى سالىنۋدا. وعان بىلۋىمشە، 37 گەكتار جەر بولىنگەن. تەلەارنالاردىڭ بىرىندە جەكەمەنشىك تۇرمە سالىنىپ جاتقاندىعى تۋرالى سيۋجەت بەرىلدى. بىلە بىلسەڭىزدەر، بۇل شىندىققا جاناسپايدى، بۇل جەردە اڭگىمەگە جەكەمەنشىك تۇرمەلەردىڭ ەش قاتىسى جوق»،- دەدى قاراعاندى وبلىسىنىڭ ءىىد جەكە قۇرامىمەن بولعان كەزدەسۋدە ن. ءابدىروۆ.
- ءمجا قاعيداتى بويىنشا سالىنعان تۇزەۋ مەكەمەسىنىڭ مارتەبەسى جەكەمەنشىك بولمايدى، - دەپ اتاپ ءوتتى ول.ءابدىروۆ مەملەكەتتىك-جەكە ارىپتەستىك قاعيداتى نەنى قامتيتىنىن ءتۇسىندىرىپ بەردى."مەملەكەت ستاندارتى ناقتى بەلگىلەنگەن تۇزەۋ مەكەمەسىنىڭ تەحنيكالىق-ەكونوميكالىق نەگىزدەمەسىن ازىرلەيدى جانە بيزنەستىڭ قارجىسىن قۇرىلىس سالۋعا تارتادى»، - دەپ قوستى ول.
پىكىر قالدىرۋ