حوككەيدەن قازاقستاننىڭ ۇلتتىق قۇراماسى Euro Ice Hockey Challenge ءتۋرنيرى اياسىندا دانيا قۇراماسىن ۇتىپ ەكىنشى جەڭىسىنە قول جەتكىزدى، دەپ حابارلايدى Vesti.kz.
فرانسيانىڭ بريانسون قالاسىندا ءوتىپ جاتقان دودادا اري-پەككا سەليننىڭ شاكىرتتەرى دانيا كومانداسىن 4:3 ەسەبىمەن سان سوقتىردى.
تارتىستى باستالعان ويىننىڭ العاشقى كەزەڭىندە-اق جانكۇيەرلەر 5 شايبانىڭ سوعىلعاندىعىنا كۋا بولدى. ونىڭ 3-ەۋىن قارسىلاستار قاقپاسىنا قازاقستان حوككەيشىلەرى رومان ستارچەنكو، فەدور پوليششۋك جانە ميحايل پانشين توعىتقان ەدى.
ال بارىنشا تارتىستى وتكەن 2ء-شى كەزەڭدە قارسىلاستار بىر-بىرىنە قارىمتا شايباسىن سالدى. قورىتىندى كەزەڭدە تاس قامال قورعانىسقا كوشكەن كوماندالار ەسەپ اشا المادى. وسىلايشا قازاقستان سپورتشىلارى دانيالىقتاردان 4:3 ەسەبىمەن باسىم ءتۇستى.
ەستەرىڭىزگە سالا كەتەيىك، كەشە اري-پەككا سەليننىڭ شاكىرتتەرى فرانسيا كومانداسىن 4:2 ەسەبىمەن تىزە بۇكتىرگەن ەدى. قازاقستاندىقتاردىڭ ساپىنان ەۆگەنيي گاسنيكوۆ، رومان ستارچەنكو، الەكسەي ليتۆينەنكو، رومان ساۆچەنكو گول اۆتورلارى اتاندى.
ايتا كەتەيىك، بۇگىن قازاقستان ۇلتتىق قۇراماسى گەرمانيامەن كەزدەسەدى. ويىن استانا ۋاقىتى بويىنشا ساعات 21:00-دە باستالادى.
پىكىر قالدىرۋ