الماتى وبلىسىندا جۇرگىزىلگەن ساراپتاما ناتيجەسى بويىنشا 2024 جىلعى I توقساندا جۇمىسسىزدار سانى 34،8 مىڭ ادامدى قۇراعان. بۇل تۋرالى ۇلتتىق ستاتيستيكا بيۋروسى ءمالىم ەتتى. 

جۇمىسسىزدىق دەڭگەيى جۇمىس كۇشىنە قاراعاندا 4،6%-عا ارتىق.

2024 جىلدىڭ 1 مامىرعا جۇمىسپەن قامتۋ ورگاندارىندا جۇمىسسىزدار رەتىندە تىركەلگەندەر سانى 24331 ادامدى قۇراعان. بۇل كورسەتكىش جۇمىس كۇشىنىڭ جالپى سانىنىڭ 3،3 پايىزىن قۇراپ وتىر. 

2023 جىلعى IV توقساندا قىزمەتكەرلەرگە ەسەپتەلگەن (كاسىپكەرلىك قىزمەتپەن اينالىساتىن، شاعىن كاسىپورىندارسىز)، ورتاشا ايلىق اتاۋلى جالاقى 319473 تەڭگەنى قۇرادى، ءوسىم 2022 جىلعى IV توقسانعا 17،7% قۇرادى. ال 2023 جىلعى IV توقساندا ناقتى جالاقى يندەكسى 108،4% بولىپ قالىپتاستى.

2023 جىلعى IV توقساندا وبلىس حالقىنىڭ ورتاشا جان باسىنا شاققانداعى اتاۋلى اقشالاي تابىسى باعالاۋ بويىنشا 136 253 تەڭگەنى قۇرادى. بۇل كورسەتكىش 2022 جىلعى IV توقسانمەن سالىستىرعاندا 14،4%-عا جوعارى، اتالعان كەزەڭگە ناقتى اقشالاي تابىستىڭ ءوسۋ قارقىنى 5،3%-دى قۇرايدى.

ايتا كەتەيىك، الماتى وبلىسىندا الداعى ۋاقىتتا 7 مىڭ جاڭا جۇمىس ورنىن اشۋ جوسپارلانىپ وتىر. جۇمىس ورىندارى ءىرى ون ءبىر ينۆەستيسيالىق جوبانى ىسكە اسىرۋ ناتيجەسىندە جۇزەگە اسپاق.