قازاقتىڭ ماڭدايىنا بىتكەن ءبىرتۋار بىلعارى قولعاپ شەبەرى قانات يسلام الەمدەگى ەڭ مىقتى كومپانيالاردىڭ بىرىمەن كەلىسىمشارتقا وتىرماقشى ەكەن. ءسۇيىنشى جاڭالىقتى    «حابار» تەلەارناسىنىڭ «كوزقاراس» باعدارلاماسىندا قوناقتا بولعان بەلگىلى كاسىپكەر باۋىرجان وسپانوۆ ءمالىم ەتتى.

            كەش بارىسىندا قازاق سپورتىنىڭ بىردەن-بىر جاناشىرى باۋىرجان وسپانوۆ قانات يسلام تۋرالى جاعىمدى جاڭالىعىمەن ءبولىستى.

            «ول - قازاقتىڭ ۇلتشىل ازاماتى. اللا تاعالا تالانتتى ءار قىرىنان بەرە سالعان ازامات. مەن قاناتتىڭ وتباسى، جانۇياسىن جاقسى بىلەمىن. ۇلگىلى وتباسىندا تۋعان، ونەگەلى ازامات. ەلىم-جەرىم دەگەندە جانىن بەرۋگە دايىن ازامات. ونىڭ اقىل-ويى، كۇش-قابىلەتى ءبىر ەمەس، بىرنەشە مارتە الەم چەمپيونى بولۋعا جەتەدى. سونداي-اق، سول اتاقتى قورعاپ تۇرا الاتىن ازامات. وكىنىشتىسى، قانات ەلىمىزگە كىشكەنە جايىراق كەلىپ قالدى. ءبىراق، ونىڭ جەڭىستى جولدارى الدا. بۇگىن ايتپاي تۇرا تۇرايىن، قانات يسلامنىڭ الداعى باسەكەلەرىنە بايلانىستى وسى 3-4 كۇننىڭ ىشىندە الەمنىڭ ەڭ مىقتى كومپانيالارىنىڭ بىرىمەن كەلىسىمشارتقا قول قويىلادى. سودان كەيىن قانات ءارى قاراي كەمىندە ەكى ايدا ءبىر رەت جارىسقا شىعاتىن بولادى. جەڭىسكە باستايتىن ۇلكەن جول اشىلادى. كوپ ۇزاماي قاناتپەن قايتا قاۋىشىپ، بىر-ەكى ايدا جەتىستىكتەرىن ەستيتىن بولاسىزدار»، - دەپ اتاپ ءوتتى. لايىم سولاي بولسىن!