اقىن ەسەنقۇل جاقىپبەك 1954 جىلى 10 اقپاندا الماتى وبلىسى، جامبىل اۋدانىنداعى بىرلىك اۋىلىندا دۇنيەگە كەلگەن. 1974 جىلدىڭ تامىز ايىنان اۋداندىق گازەت رەداكسياسىندا قىزمەت ەتتى. قازاق مەملەكەتتىك ۋنيۆەرسيتەتىنىڭ جۋرناليستكا فاكۋلتەتىنىن بىتىرگەن. الماتى وبلىسى، جامبىل اۋدانىنداعى ونەر مەكتەبىندە ايتىس اقىندارىنا ءدارىس بەردى. قازاقستان جازۋشىلار وداعى الماتى وبلىستىق بولىمشەسى پوەزيا سەكتورىنىڭ مەڭگەرۋشىسى بولىپ، جاۋاپتى جۇمىستاردى اتقاردى. سوڭعى جىلدارى جامبىل اۋداندىق «اتامەكەن» گازەتىنىڭ باس رەداكتورى بولىپ قىزمەت ەتتى. «باستاۋ»، «اعىمنان جارىلامىن»، «ءبىز ەكەۋىمىز»، «جەرىڭە تابىن»، «ءبىزدىڭ ەلدىڭ جىگىتتەرى»، «ەسىل دۇنيە-اي!»، «جان قيسسا»، «بۇل جازدا وتەر»، «تاۋ باسىندا كارى قار»، «سارعايعان سارى تەرەزە» اتتى كىتاپتارى جارىق كورگەن. ەسەنقۇل جاقىپبەك تەليەۆيزيالىق اقىندار ايتىسىنىڭ تۇڭعىش لاۋرەاتى اتانعان بولاتىن. ايتىس ساحناسىندا 30 جىلداي ەڭبەك ەتكەن. حالىق اراسىندا كەڭ تارالعان ان-تەرمەلەردىڭ اۆتورى. بەلگىلى قالامگەر، اقىن ەسەنقۇل جاقىپبەك 60 جاسقا قاراعان شاعىندا 2013 جىلى 14 قاراشادا دۇنيەدەن وتكەن بولاتىن. بۇگىن الماتىدا اقىندى ەسكە الۋعا ارنالعان «مەنەن دە ءوتتى وسى ءومىر . . .» اتتى كەش وتەدى. شاراعا قازاقستاننىڭ حالىق ءارتيسى تۇڭعىشباي جامانقۇلوۆ، ق ر ەڭبەك سىڭىرگەن قايراتكەرلەرى بەكجان تۇرىس، اقان ءابدۋالى، ءانشى سايات مەدەۋوۆ، انشى-سازگەرلەر جاكەن وماروۆ، روزا ءالقوجا، ءلاززات جانامانوۆا جانە باسقا بەلگىلى ونەر شەبەرلەرى قاتىسادى. كەشتى مەملەكەتتىك «دارىن» جاستار سىيلىعىنىڭ لاۋرەاتى، اقىن جاناربەك ءاشىمجان جۇرگىزەدى.

"ب ا ق.kz"