«تازا قازاقستان» رەسپۋبليكالىق اكسياسى بويىنشا ماڭعىستاۋدا تاريحي-مادەني ەسكەرتكىشتەر اۋماعى اباتتاندىرىلۋدا. سونىڭ ءبىرى، بەينەۋ اۋدانىنداعى ەسەت ەلدى مەكەنىنەن 7 شاقىرىمدا ورنالاسقان - «قىز اۋليە» قورىمىنىڭ اۋماعىندا سەنبىلىك وتكىزىلدى.
اكسياعا ەسەت اۋىلى اكىمى اپپاراتىنىڭ قىزمەتكەرلەرى، تۇرعىندارى ءبىلىم جانە مادەنيەت سالاسىنىڭ قىزمەتكەرلەرى قاتىسىپ، ولكە تازالىعىنا ءوز ۇلەستەرىن قوستى.
- قازىرگى تاڭدا «تازا قازاقستان» اكسياسى اياسىندا بارلىق وڭىرلەردە سەنبىلىك جۇمىستارى جۇرگىزىلىپ جاتىر. وسى ماقساتتا «قىز اۋليە» قورىمىندا سەنبىلىك جۇمىستارىن جۇرگىزۋدەمىز. ءوڭىر تازالىعى - بارشاعا ورتاق ءىس. سوندىقتان، ماڭعىستاۋلىقتاردى وسى يگى ىسكە بەلسەنە اتسالىسۋعا شاقىرامىن، - دەدى ەسەت اۋىلىنىڭ بەلسەندى جاسى ەرلان يشمۋراتوۆ.
ەسەت اۋىلىنىڭ اكىمى مەيرامعالي قانييەۆ وڭ باستامانى قولدايتىنىن اتاپ ءوتتى.
- تۋعان ولكەنىڭ تازالىعىنا اتسالىسۋ - ءاربىر ازاماتتىڭ مىندەتى. ءار سەنبى سايىن ءاربىر تۇرعىن ءوز اۋلاسىنا اعاش وتىرعىزىپ، قوقىستان تازارتسا، ايماعىمىز جاسىل جەلەكپەن كومكەرىلەر مە ەدى. وسىنداي سەنبىلىك جۇمىستارىن ءجيى وتكىزۋدى قولدايمىن، - دەدى مەيرامعالي قانييەۆ.
پىكىر قالدىرۋ