ەسىلدىڭ سول جاعالاۋىنداعى اۋداندارعا جاقىندا ورناتىلعان «جىلى ايالدامالار سوڭعى كۇندەردەگى سۋىققا شىداماي قيراي باستادى. بۇل تۋرالى «قامشى» اقپاراتتىق پورتالى informburo.kz-كە سىلتەمە جاساي وتىرىپ حابارلايدى.
استانا اكىمدىگى جەر-كوككە سىيعىزباي ماقتاعان ايالدامالاردىڭ الدىمەن ەسىكتەرى ىستەن شىققان. سىرعىپ اشىلاتىن ەسىكتەردىڭ رەلستەرى قىسىلىپ قالعاندىقتان جابىلماي، ايقارا اشىق جاتىر.
«جەل جوق دەمەسەڭ، تەمپەراتۋرا دالادا قانداي بولسا مۇندا دا سونداي. الداعى قاقاعان قىسقا مىنا ۇيشىكتەردىڭ توتەپ بەرە الاتىنىنا سەنىم» جوق دەيدى تۇرعىندار.
استانا كوشەلەرىنە قۇنى 10 ميلليون تەڭگەگە باعالانعان مۇنداي ايالدامالاردى ورناتۋ قازان ايىندا باستالعان بولاتىن. جىل سوڭىنا دەيىن اكىمدىكتەگىلەر بارلىعى 55 وسىنداي ايالداما كەشەنى قويىلادى دەپ جوسپارلانۋدا.
