كۇندەلىكتى تىرشىلىك قاربالاسىندا ءوز ارەكەتتەرىمىزدىڭ قۇقىقتىق تۇرعىدان قانشالىقتى دۇرىس ەكەندىگى تۋرالى ويلانبايمىز. ول اۆتوكولىك ساتۋ/ساتىپ الۋ، ونى «كەدەندىك تازارتۋ» نەمەسە ءتىپتى ساقتاندىرۋ. وسى تىزىمگە ءار قازاقستاندىق جۇرگىزۋشى باسىنان وتكەرگەن – جۇرگىزۋشىنى جول-پاترۋلدىك پوليسياسىنىڭ قىزمەتكەرىنىڭ توقتاتۋ جاعدايىن قوسايىق. جپپ قىزمەتكەرى ءسىزدى قانداي جاعدايلاردا توقتاتۋى مۇمكىن جانە جول قوزعالىسى ەرەجەلەرىن بۇزعان جاعدايدا قانداي ايىپپۇل سانكسيالارى كوزدەلۋى مۇمكىن. ءسىزدىڭ نازارىڭىزعا ءسىزدى جول-پاترۋلدىك پوليسياسىنىڭ قىزمەتكەرى توقتاتقان جاعدايداعى ءجيى قويىلاتىن سۇراقتاردىڭ ءتىزىمىن ۇسىنامىز.
ءسىز قانداي جاعدايلاردا توقتاۋىڭىز كەرەك؟
«قازاقستان رەسپۋبليكاسى جول قوزعالىسى ەرەجەلەرىن بەكىتۋ تۋرالى» ق ر ۇكىمەتى قاۋلىسىنىڭ 5-بابىنىڭ 5.3-تارماعىنا سايكەس، ەگەر جول-پاترۋلدىك پوليسياسىنىڭ قىزمەتكەرى قىزمەتتىك كولىكتە داۋىس زورايتقىش كومەگىمەن جۇرگىزۋشىگە ارناپ، ءسىزدىڭ اۆتوڭىزدىڭ تانۋ بەلگىلەرىن جانە/نەمەسە مەملەكەتتىك نومىرلىك بەلگىسىن اتاسا نەمەسە ەگەر جاياۋ كولىكسىز ينسپەكتور ءسىزدى قولدىڭ كومەگىمەن (تاياق) سىزگە قايدا توقتاۋ كەرەكتىگىن كورسەتسە، ءسىز توقتاۋعا مىندەتتىسىز. وسىدان كەيىن جپپ قىزمەتكەرى ءوزىنىڭ لاۋازىمىن، ارنايى اتاعىن، تەگىن جانە ول قىزمەت ەتەتىن بولىمشەنى، سونداي-اق توقتاتۋ سەبەبىن ايتۋى كەرەك. جپپ قىزمەتكەرىنىڭ رۇقساتىنسىز سىزگە نەمەسە جولاۋشىڭىزعا كولىكتەن شىعۋعا بولمايدى.
جپپ قىزمەتكەرلەرىنىڭ اۆتوكولىكتەردى توقتاتۋى «جول قوزعالىسى قاۋىپسىزدىگىن قامتاماسىز ەتۋ بويىنشا قازاقستان رەسپۋبليكاسى ىشكى ىستەر ورگاندارى نۇسقاۋلىقتارىنىڭ» 64-تارماعىنا سايكەس نەگىزسىز تىيىم سالىنعان. توقتاتۋ ءۇشىن مىنالار نەگىز بولىپ تابىلۋى مۇمكىن: جول قوزعالىسى ەرەجەلەرىنىڭ بۇزىلۋى، جۇك تاسىمالداۋ ەرەجەلەرى، سونداي-اق رەيد جۇرگىزۋ).
جپپ قىزمەتكەرىنەن جۇرگىزۋشى قانداي قىزمەتتىك مالىمەتتەردى سۇراتا الادى؟
جپپ قىزمەتكەرى كەزەكشىلىككە شىعاردا قىزمەتتىك جەتوندى الادى. جۇرگىزۋشىنىڭ ءوتىنىشى بويىنششا جپپ قىزمەتكەرى قىزمەتتىك كۋالىك جانە/نەمەسە ءتوس ەرەكشەلىك بەلگىسىن (جەتوندى) ۇسىنۋى ءتيىس. جول جانە پاترۋلدىك پوليسياسىنىڭ قىسقارۋىنا بايلانىستى جەتون، وزگەردى جانە قازىرگى كەزدە كەلەسىدەي تۇردە (سۋر. قاراڭىز). پوليسيا قىزمەتكەرىنىڭ باعىتتىق پاراعىن جۇرگىزۋشىلەرگە كورسەتۋگە تىيىم سالىناتىنىن اتاپ وتكەن ءجون، سەبەبى ول ىشكى قىزمەتتىك قۇجاتقا جاتادى.
جول پاترۋلدىك-پوليسياسىنىڭ قىزمەتكەرى پاترۋلدە بولعاندا قانداي تالاپتاردى ساقتاۋى ءتيىس؟
جول-پاترۋلدىك پوليسياسى قىزمەتكەرىنىڭ قىزمەتتى اتقارۋى قىزمەتتىك اۆتوكولىكتە جانە جاياۋ ناريادتا بولۋى مۇمكىن. جول پوليسياسىنىڭ ينسپەكتورى قىزمەتتى اتقارۋدا جول قوزعالىسىنىڭ قاتىسۋشىلارىنا كورىنەتىن اۋماقتا بولۋى ءتيىس. قىزمەتتىك اۆتوكولىكتەر سونداي-اق كورىنۋدى شەكتەيتىن، قانداي دا ءبىر كەدەرگىلەردىڭ ار جاعىندا (اعاشتار، عيماراتتار جانە قۇرىلىستار، جارنامالىق قالقاندار جانە ت.ب.)، سونداي-اق توقتاۋ مەن تۇرۋ تىيىم سالىنعان ورىنداردا ورنالاسپاۋى ءتيىس، وسى تالاپتار جاياۋ ناريادتارعا دا قولدانىلادى.
رادارلاردى قالادا جانە تراسسادا وقيعالاردى بولدىرماۋ جانە ولاردىڭ مۇمكىن سالدارلارىن بولدىرماۋ ماقساتىندا پايدالانۋعا تىيىم سالىنبايدى، سونىڭ ىشىندە جپپ ينسپەكتورى اۆتونى راديو بايلانىستى پايدالانۋمەن نەمەسە مالىمەتتەر بازاسى بويىنشا جقە بۇزىلۋلارىنىڭ بولۋىنا/بولماۋىنا اۆتونى تەكسەرۋگە قۇقىلى.
كولىك قۇرالىن مىندەتتى ساقتاندىرۋ جانە كولىك قۇرالىن جۇرگىزۋگە سەنىمدى تۇلعالار
سىزگە ءتيىستى ەمەس اۆتوكولىكتى باسقارۋعا سەنىمحاتتىڭ بولۋى تالاپ ەتىلمەيدى. سەنىم بەرىلگەن تۇلعانىڭ مالىمەتتەرى ساقتاندىرۋ پوليسىندە كورسەتىلسە جەتكىلىكتى.
ەگەر اۆتوكولىك يەسى ءوز اۆتوكولىگىن باسقارا الماسا (الكوگولدىك ماس بولۋ، ءدارى پرەپاراتتارىن باسقارۋ جانە ت.ب. سالدارىنان)، ول اۆتوكولىكتى باسقارۋدى سەنىمحاتتى ۇسىنۋسىز، ءبىراق جەكە قاتىسۋمەن باسقارۋدى سەنىپ تاپسىرۋى مۇمكىن.
جول پوليسياسىنىڭ قىزمەتكەرى توقتاتقاندا وزىمەن بىرگە قانداي قۇجاتتار بولۋى قاجەت؟
ەگەر ءسىزدى جقە بۇزىلۋى ءۇشىن توقتاتقاندا، وزىمەن بىرگە مىناداي قۇجاتتار بولۋى كەرەك:
- جۇرگىزۋشى كۋالىگى (جۇرگىزۋشى كۋالىگىنىڭ ورنىنا بەرىلگەن ۋاقىتشا كۋالىك جانە جۇرگىزۋشىنىڭ جەكە باسىن كۋالاندىراتىن قۇجات)؛
- كولىك قۇرالىنا تىركەۋ قۇجاتتارى؛
- اۆتوكولىكتى يەسى باسقارماعان جاعدايدا - اتالعان كولىك قۇرالىن باسقارۋ نەمەسە يەلىك ەتۋ (پايدالانۋ) قۇقىعىن راستايتىن قۇجات؛
- مەملەكەتتىك نەمەسە مىندەتتى تەحنيكالىق تەكسەرۋدەن ءوتۋ تۋرالى قۇجات؛
- زاڭنامادا بەلگىلەنگەن جاعدايلاردا كولىك قۇرالدارى يەلەرىنىڭ ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋ بويىنشا ساقتاندىرۋ ءپوليسى جانە/نەمەسە جولاۋشىلار الدىنداعى تاسىمالداۋشىنىڭ ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋ بويىنشا ساقتاندىرۋ ءپوليسى؛
- بەلگىلەنگەن جاعدايلاردا تاسىمالداناتىن جۇككە جول-ساپار قاعازى جانە قۇجاتى.
جول قوزعالىسى ەرەجەلەرىن بۇزۋ اكىمشىلىك قۇقىق بۇزۋشىلىق بولىپ تابىلادى، ول ءۇشىن اكىمشىلىك قۇقىق بۇزۋشىلىقتار تۋرالى ق ر كودەكسىنە سايكەس ايىپپۇل كوزدەلەدى.
اكىمشىلىك قۇقىق بۇزۋشىلىقتاردىڭ مەرزىمى بار ما؟
اكقبك 69-بابىنا سايكەس، ەگەر كورسەتىلگەن مەرزىم ىشىندە اكىمشىلىك قۇقىق بۇزۋشىلىقتار تۋرالى ءىس بويىنشا قاۋلى شىعارىلماسا، اكىمشىلىك قۇقىق بۇزۋشىلىق جاسالعان كۇننەن باستاپ 2 اي وتكەننەن كەيىن ادام اكىمشىلىك جاۋاپكەرشىلىككە تارتىلمايدى.
اكقبك 707-بابىنا سايكەس ايىپپۇلدى اكىمشىلىك جاۋاپكەرشىلىككە تارتىلعان ادام قاۋلى شىققان كۇننەن باستاپ 30 كۇننەن كەشىكتىرمەي تولەۋى ءتيىس.
جپپ ينسپەكتورى ءسىزدى توقتاتقانداعى ءسىزدىڭ قۇقىقتارىڭىز:
- جۇرگىزۋشى ءىس ماتەريالدارىمەن تانىسۋعا، تۇسىنىكتەمە بەرۋگە، دالەلدەمە ۇسىنۋعا، سۇرانىس حاتقا ءوتىنىش بەرۋگە قۇقىلى؛
- ءىستى قاراۋدا ادۆوكاتتىڭ زاڭدى كومەگىن قاراۋعا؛
- انا تىلىندە سويلەۋگە جانە ەگەر ءىس جۇرگىزىلەتىن ءتىلدى مەڭگەرمەسە، اۋدارماشىنىڭ قىزمەتتەرىن پايدالانۋعا؛
- ءىس بويىنشا قاۋلىعا شاعىمدانۋ ءتارتىبى.
جانجالدى جاعدايلار تۋىنداعاندا، بۇرىن ايتىلعانداي، جۇرگىزۋشى ينسپەكتوردان كەۋدە بەلگىسىنىڭ (جەتون) ءنومىرىن سۇراۋعا جانە قىزمەتتىك كۋالىكپەن تانىسۋعا قۇقىلى. جول قوزعالىسى ەرەجەلەرىنىڭ بۇزىلۋىمەن نەمەسە جپپ قىزمەتكەرىنىڭ توقتاتۋىنىڭ وزگە سەبەپتەرىمەن كەلىسپەگەن جاعدايدا، ءسىز ءوزىڭىزدىڭ كەلىسپەۋشىلىگىڭىز تۋرالى اكىمشىلىك قۇقىق بۇزۋشىلىق تۋرالى حاتتامادا جازباشا بايانداي الاسىز.
توقتاتقان كەزدە قانشا ۋاقىت ىشىندە ينسپەكتوردى كۇتۋگە بولادى؟
جقە 2.3.2-تارماعىنىڭ نەگىزىندە «5.3-تارماعىنا سايكەس بەرىلگەن ىشكى ىستەر ورگاندارىنىڭ (پوليسيانىڭ) قىزمەتكەرىنىڭ تالابى بويىنشا توقتاپ، ونىڭ نۇسقاۋلارىن ورىنداۋ»، ياعني جۇرگىزۋشىگە جول پوليسياسى ينسپەكتورىن كۇتىپ، توقتاتۋ سەبەبىن تىڭداۋ، سونداي-اق قاجەتتى ارەكەتتەردى ورىنداۋ قاجەت.
جپپ قىزمەتكەرى قانداي نەگىزدە ءنومىردى شەشۋگە قۇقىلى؟
ق ر اكقبك 630-بابىنا سايكەس توقتاتۋ نەمەسە ءسىزدىڭ اۆتوڭىزدىڭ توقتاۋ ەرەجەلەرىن بۇزعاندا (ق ر اكقبك 463-4-بابىنىڭ 1 جانە 2 ءبولىمى) ۋاكىلەتتى لاۋازىمدى تۇلعا مەملەكەتتىك تىركەۋ ءنومىرىن الۋعا قۇقىلى.
بەلگىلەنگەن جىلدامدىق رەجيمىن اسىرعاندا قانداي جاۋاپكەرشىلىك ورىن الادى؟
بەلگىلەنگەن جىلدامدىق رەجيمىنەن اسىرعاندا 10 كم/ساعاتقا دەيىن جىبەرىلەدى، باسقاشا جاعدايدا اسىرعاندا ايىپپۇل كوزدەلگەن:
- 10-20 كم/ساعاتتان اسىرعاندا، ايىپپۇل 10 اەك مولشەرىندە؛
- 20-40 كم/ساعاتتان اسىرعاندا،15 اەك مولشەرىندەگى ايىپپۇل (قايتا بۇزعان جاعدايدا 1 جىل ىشىندە – 40 اەك)؛
- 40 كم/ساع. ارتىق – 30 اەك (1 جىل ىشىندە قايتا بۇزعان جاعدايدا – 40 اەك).
ايىپپۇلدار كەستەسىمەن كەلەسى سىلتەمە بويىنشا تانىسۋ.
egov.kz
