باسىلىم مالىمەتىنە سۇيەنسەك، پاترۋلدىك پوليسيا پولكىنىڭ قىزمەتكەرلەرى جولداعى قۇقىقبۇزۋشىلىقتاردى بولدىرماۋ جانە ونى دەر كەزىندە انىقتاۋ ماقساتىندا مەگاپوليس جولدارىندا ۇزدىكسىز رەيدتىك ءىس-شارالار جۇرگىزىپ جاتىر. اتقارىلعان جۇمىستاردىڭ ناتيجەسىندە جىل باسىنان بەرى كولىك تەرەزەسىن كۇڭگىرتتەگەن 19 629 جۇرگىزۋشى جاۋاپكەرشىلىككە تارتىلعان. ولارعا قاتىستى اقبتك-نىڭ 590-بابى 5-بولىگى بويىنشا اكىمشىلىك حاتتاما تولتىرىلدى. اۆتوكولىك يەلەرىمەن دەر كەزىندە اينەكتەگى كۇڭگىرتتەۋ قاعازىن الىپ تاستاۋ جۇمىستارى جۇرگىزىلدى. وسى تۇستا ءتارتىپ ساقشىلارى تەحنيكالىق رەگلامەنتتەردىڭ، ۇلتتىق ستاندارتتار تالاپتارىنا ساي كەلمەيتiن، سونداي-اق كولىك قۇرالدارىن پايدالانۋعا تىيىم سالىناتىن اقاۋلار مەن جاعدايلارى بار كولiك قۇرالدارىن باسقارۋ 5 اەك مولشەرiندە ايىپپۇل سالۋعا اكەپ سوعاتىنىن ەسكەرتتى.