ۇكىمەت وتىرىسىنان كەيىنگى بريفينگتە ۆيسە-مينيستر وسىدان بىرنەشە جىل بۇرىن ىشكى نارىقتا كارتوپ باعاسىنىڭ كۇرت وسكەنى بايقالعانىن ەسكە سالدى.
- ءقازىر مۇنداي پروبلەما جوق. بۇل اكىمدىكتەر مەن اۋىل شارۋاشىلىعى مينيسترلىگىنىڭ ۇيىمداستىرىلعان شارۋاشىلىقتاردا كارتوپ ءوندىرىسى كولەمىن ارتتىرۋعا باعىتتالعان جۇمىسىنىڭ ارقاسىندا مۇمكىن بولىپ وتىر. مۇنداي شارۋاشىلىقتار ءونىمدى قالالار مەن ءىرى ساۋدا جەلىلەرىنە ورتالىقتاندىرىلعان جەتكىزىلىممەن قامتاماسىز ەتەدى. كوكونىسكە قاتىستى دا جاعداي سولاي. ءونىم جينالدى جانە جاڭا جىلعا دەيىن ءوزىمىزدىڭ كوكونىسپەن تولىقتاي قامتاماسىز ەتىلگەنبىز. بۇل كارتوپتى قوسا العاندا سورپا جيىنتىعى دەپ اتالعان نەگىزگى توپقا قاتىستى، - دەدى ازات سۇلتانوۆ.
سونىمەن قاتار ول كوكونىسكە جەتكىزۋگە قاتىستى نەگىزگى پروبلەما ماۋسىمارالىق كەزەڭدە تۋىندايتىندىعىن اتاپ ءوتتى. دەگەنمەن، قابىلدانىپ جاتقان شارالاردىڭ ارقاسىندا نارىق تۇراقتى ەكەندىگىن باسا ايتتى.
پىكىر قالدىرۋ