اۋىل شارۋاشىلىعى ءمينيسترى ايداربەك ساپاروۆ قازاقستان قىتايعا جەر بەرىپ جاتىر دەگەن قاۋەسەتتەرگە قاتىستى كەزەكتى رەت تۇسىنىكتەمە بەردى. ۇكىمەت وتىرىسىنان كەيىن وتكەن بريفينگتە جۋرناليستەر ءمينيستردىڭ وزىنەن ەستۋدى تالاپ ەتىپ:
«جەلىدە قازاقستان قىتايعا كەڭ كولەمدە جەر بەرەدى دەگەن اقپارات ءالى دە تاراپ ءجۇر. وسىعان قاتىستى ناقتى جاۋاپ بەرسەڭىز»، – دەپ ساۋال قويدى.
ءمينيستردىڭ جاۋابى قىسقا بولدى:
«بۇل – فەيك. ەشقانداي جەر بەرىلىپ جاتقان جوق. مۇنى جەر رەسۋرستارى كوميتەتى باقىلاۋدا ۇستاپ وتىر. جەر كودەكسىنە ساي شەتەلدىكتەرگە جەر جالعا دا، مەنشىككە دە بەرىلمەيدى. ءوزىمىزدىڭ شارۋالار جۇمىس ىستەپ جاتىر».
الايدا قوعامدا بۇل مالىمدەمەگە سەنىم از. ويتكەنى بۇعان دەيىن دە رەسمي ۋادەلەر مەن شىنايى ارەكەتتەر اراسىندا الشاقتىقتار بايقالعان. 2016 جىلعى جەر ماسەلەسىنە قاتىستى جاپپاي نارازىلىقتار حالىقتىڭ بۇل تاقىرىپقا نەگە سونشالىقتى سەزىمتال قارايتىنىن كورسەتىپ بەرگەن ەدى.
ءمينيستردىڭ "ءبارى باقىلاۋدا" دەۋى كوڭىلگە مەدەۋ بولا ما؟ الدە بۇل – تەك ۋاقىتشا تىنىشتاندىرۋ ما؟ حالىق ناقتى اشىق اقپارات پەن تولىق ەسەپتى تالاپ ەتەدى، قۇرعاق ۋادەنى ەمەس.
