بۇگىن تەڭگەنىڭ كۇرت قۇنسىزدانعانىنا نارازى ءبىر توپ بەلسەندى الماتىدا ۇلتتىق بانكتىڭ ءتوراعاسى قايرات كەلىمبەتوۆپەن كەزدەسىپ، ديەۆالۆاسيا زارداپتارىن جەڭىلدەتۋ ءۇشىن ارنايى رەسپۋبليكالىق قوعامدىق كوميسسيا قۇرۋدى تالاپ ەتتى، دەپ حابارلايدى "ازاتتىق راديوسى".
ازاتتىق ءتىلشىسىنىڭ حابارلاۋىنشا، كەلىمبەتوۆ ورتاق رەسپۋبليكالىق كوميسسيا قۇرۋعا قارسى ەكەنىن ايتىپ، ونىڭ ورنىنا نەسيە، يپوتەكا شارتتارىمەن جەكە اينالىساتىن، ازىق-تۇلىك باعاسىمەن بولەك اينالىساتىن سالالىق كوميسسيالار قۇرۋدى ۇسىنعان. ونىڭ سوزىنشە، يپوتەكالىق پروبلەمالارمەن اينالىساتىن كوميسسيا ەندىگى قۇرىلىپ قويعان جانە بۇگىن تۇستەن كەيىن ونىڭ وتىرىسى وتپەكشى. جينالعان توپتان كاسىپكەر قاناعات تاكەيەۆا يپوتەكالىق ماسەلەلەردى قارايتىن كوميسسيانىڭ بۇگىنگى وتىرىسىنا قاتىساتىن بولدى. كەلىمبەتوۆپەن "قازاقستان مۇسىلماندار وداعى" ۇيىمىنىڭ جەتەكشىسى مۇرات تەلىبەكوۆ، ساياساتكەر جاسارال ءقۋانىشالين، بەلسەندى تازابەك سامبەتباي، بارلىعى التى ادام كەزدەسكەن. ديەۆالۆاسياعا نارازىلار كەشە دە ۇلتتىق بانككە كەلىپ، كەلىمبەتوۆتىڭ وتستاۆكاعا كەتۋىن تالاپ ەتكەن ەدى.
پىكىر قالدىرۋ