Euronewsء-تىڭ باس ديرەكتورى مايكل پيتەرس قازاقستانداعى ەڭ ءىرى مەدياحولدينگ بولىپ ەسەپتەلەتىن "حابار" اگەنتتىگى اق-نىڭ تاۋەلسىز ديرەكتورى قىزمەتىنە تاعايىندالدى، دەپ حابارلايدى Tengrinews.kz ءتىلشىسى اگەنتتىكتىڭ باسپا ءسوز قىزمەتىنە سىلتەمە جاساپ. مايكل پيتەرس اگەنتتىكتىڭ قاڭتاردىڭ 13ء-ى كۇنى وتكەن ديرەكتورلار كەڭەسىنىڭ كەزەكتى جيىنىندا تانىستىرىلدى. مايكل پيتەرس "حابار" اگەنتتىگىنە قىزمەتكە تارتىلعان ءۇشىنشى تاۋەلسىز ديرەكتور. "مايكل پيتەرس سەكىلدى كاسىبي دەڭگەيى اسا جوعارى ماماننىڭ كومپانيامىزعا قىزمەتكە كەلۋىن ءبىز ارينە قۇپتايمىز. شىنىن ايتقاندا، تەليەۆيدەنيە كۇرمەۋى كوپ سالا بولىپ تابىلادى. ال، سول سالانىڭ شىڭىنان كورىنىپ جۇرگەن ماماندار ءبىزدىڭ ەلىمىزدە ساۋساقپەن سانارلىقتاي عانا. پيتەرس مىرزاعا ءبىزدىڭ شاقىرتۋىمىزدى قابىل العانى ءۇشىن شەكسىز العىسىمىزدى بىلدىرەمىز. ونىڭ 1993 جىلدان بەرى ۇزدىكسىز دامۋ ۇستىندە بولعان ەuronews-تە جيناعان تاجىريبەسى مول"، - دەدى "حابار" اگەنتتىگى اق ديرەكتورلار كەڭەسىنىڭ ءتوراعاسى ايدوس ۇكىبايەۆ. ۇكىبايەۆ مىرزانىڭ سوزىنە قاراعاندا، "حابار" اگەنتتىگى تاۋەلسىز ديرەكتورلاردى قىزمەتكە تارتۋ ارقىلى حولدينگتىڭ كورپوراتيۆتى جۇيەسىن جىلدام، ءارى ساپالى تۇردە دامىتۋدى الدىنا ماقسات ەتىپ قويىپ وتىر. مايكل پيتەرس گەرمانيا جانە فرانسيا ازاماتى بولىپ تابىلادى. ول Euronews-تە 1998ء-شى جىلدان بەرى جۇمىس ىستەسە، 2000-شى جىلدان بەرى باسشىلىق قىزمەتتەردە. اتاپ ايتقاندا، پيتەرس مىرزا ارنانىڭ قارجى جانە باسقارۋشى ديرەكتورى، ودان ءارى اتقارۋشى كەڭەستىڭ ديرەكتورى، ال 2011ء-شى جىلدان باستاپ اتقارۋشى كەڭەستىڭ ءتوراعاسى بولىپ قىزمەت ەتەدى.