قىتايدىڭ كوممۋنيستىك پارتياسى بەيسەنبى كۇنى "ءبىر وتباسىعا - ءبىر بالا" ساياساتىن توقتاتۋ تۋرالى شەشىم شىعاردى. بۇدان بىلاي ءار جۇڭگو وتباسى ەكى بالا وسىرە الادى. بۇل تۋرالى «قامشى» پورتالى ازاتتىق راديوسىنا سىلتەمە جاساپ حابارلايدى.
"سينحۋا" اگەنتتىگى تاراتقان حابارعا سايكەس، ونداعان جىلعا سوزىلعان قىتايداعى "ءبىر بالا ساياساتى" جويىلماقشى. قىتايدىڭ كوممۋنيستىك پارتياسى ەلدەگى بارلىق ەرلى-زايىپتىعا ەندىگارى ەكى بالادان وسىرۋگە رۇقسات بەردى.
بۇعان دەيىن 2013 جىلى جۇڭگو ۇكىمەتى "ءبىر بالا ساياساتىن" وڭايلاتىپ، ميلليونداعان وتباسىعا ارنايى شارتپەن ەكى بالا وسىرۋگە مۇمكىندىك جاساعان. 1979 جىلى قابىلدانعان "ءبىر بالا ساياساتىن" قولدانۋ ارقىلى جۇڭگو بيلىگى حالىق سانىنىڭ تەز ءوسۋىن باياۋلاتپاقشى بولعان. ءبىراق بۇل ساياساتتىڭ سوڭى ەل تۇرعىندارىنىڭ ىشىندە قارت ادامداردىڭ ۇلەس سالماعىنىڭ ارتۋىنا سوقتىرعان.
