باتىرحان شۇكەنوۆتىڭ ازاماتتىق ايەلى ەكاتەرينا شەلياكوۆا مەن ۇلى ماقسۇت شۇكەنوۆ اندرەي مالاحوۆتىڭ «پۋست گوۆوريات» باعدارلاماسىندا اتاقتى مۋزىكانتتىڭ قازاسىنان كەيىنگى ومىرلەرى جايلى ايتتى. بۇل تۋرالى «قامشى» پورتالى «قازاقپاراتقا» سىلتەمە جاساپ حابارلايدى.

باتىرحان شۇكەنوۆ ەكاتەرينا شەلياكوۆامەن 20 جىل بىرگە تۇردى، ەكى ۇلى دۇنيەگە كەلدى. تۇڭعىشى ءسابي شاعىندا كوز جۇمدى، ال ەكىنشىسى - 14 جاستاعى ماقسۇت اناسىمەن اقش فلوريدا شتاتىندا تۇرادى.

ەكاتەرينا مەن ماقسۇت باتىرحان شۇكەنوۆتىڭ ولاردى فلوريداداعى ۇلكەن ۇيگە كوشىرۋ ارمانى تۋرالى ايتتى. قۇنى 680 مىڭ دوللاردى قۇرايتىن ءۇي سالىندى. باتىرحان شۇكەنوۆ قۇرىلىس كومپانياسىنا العاشقى جارنانى تولەپ، ەكاتەرينا ۇلىمەن سول ۇيگە كوشتى. ءانشىنىڭ قازاسىنان كەيىن تولەم تۇسپەگەندىكتەن قۇرىلىس كومپانياسى ءۇيدى تارتىپ الدى. ءقازىر ول ۇلىمەن اقش-تا قۇربىسىنىڭ ۇيىندەگى شاعىن بولمەدە تۇرىپ جاتىر. ەكاتەرينا سيرەك كەزدەسەتىن بۇيىمدار دۇكەنىندە جۇمىس ىستەيدى.

ب.شۇكەنوۆتىڭ دوسى، قازاق كسر حالىق ءارتىسى روزا رىمبايەۆا ەكاتەريناعا ۇلىمەن قازاقستانعا كوشۋدى ۇسىندى. باتىرحاننىڭ ماسكەۋدەگى دوستارى، سونىڭ ىشىندە جۋرناليست وتار كۋشاناشۆيلي وعان رەسەيگە كوشۋگە ۇسىندى.

باتىرحاننىڭ اعاسى - باۋىرجان شۇكەنوۆ «پۋست گوۆوريات» باعدارلاماسىندا ماقسۇتقا اقش-تا ءۇي ساتىپ الۋ ءۇشىن قاراجات جيناپ جاتقانىن ايتتى.

ءانشىنىڭ جارىن قولداۋ ءۇشىن باعدارلاماعا انشىلەر، مۋزىكانتتار جانە دوستار ۆالەريي مەلادزە، سيەۆارا، الەكسەي گلىزين، تەلەجۇرگىزۋشى ەلەنا حانگا كەلدى.

بارلىعى باتىرحان شۇكەنوۆ جانۇياسى مەن دوستارى اراسىندا جاقسى ادام بولىپ ماڭگى ەستە قالاتىنىن اتاپ ءوتتى.

ەكاتەرينا بۇل باعدارلاماعا كۇيەۋى اجال قۇشقانىنان كەيىن قالاي تىرشىلىك كەشىپ جاتقاندارى جايلى ايتۋعا كەلگەنىن جەتكىزدى. ەگەر قازاقستاندىق مەسەناتتار باتىرحاننىڭ ۇلى ماقسۇتتىڭ شىعىندارىنىڭ ءبىر بولىگىن مويىندارىنا السا، مۇنى باعالاپ، ريزاشىلىقپەن قابىلدايتىنىن دا ايتتى.