قازاننىڭ 29-ىنان باستاپ اقش مەملەكەتتىك حاتشىسى دجون كەرري ورتالىق ازيا ەلدەرىن شارلاپ ءوتىپ، دۇيسەنبىدە قازاقياعا كەلەدى. بۇل تۋرالى «قامشى» پورتالى «ازاتتىق» راديوسىنا سىلتەمە جاساپ حابارلايدى.

نەگىزى قازاق ەلىنە بۇعان دەيىن اقش مەملەكەتتىك حاتشىلارىنان 2005 جىلى كوندوليزا رايس، 2010 جىلى ەقىۇ سامميتىنە حيللاري كلينتون كەلگەن. ال دجون كەرري قاراشانىڭ 1-3 كۇندەرى استانادا بولىپ، قازاق ەلىنىڭ باسشىسى نۇرسۇلتان نازاربايەۆپەن كەزدەسەدى جانە ستراتەگيالىق سەرىكتەستىك بويىنشا كوميسسيا وتىرىسىنا قاتىسادى دەپ جوسپارلانعان.

رەسمي اقپارات قۇرالدارىنىڭ حابارلاۋىنا قاراعاندا، بۇل – دجون كەرريدىڭ ورتالىق ازيانىڭ بەس ەلىنە جاسايتىن العاشقى ساپارى. كەرري سامارقاندتا وسى ايماق ەلدەرى سىرتقى ىستەر مينيسترلەرىنىڭ جاڭا س5+1 فورماتىنداعى كەڭەسىنە قاتىسادى.